web counter
LEXO PA REKLAMA!

SHKARKO APP

App Store
Google Play

Terrori në Elbasan/ Gazetarët kanë frikë të raportojnë ngjarjet

20 Shtator 2017, 15:32, Aktualitet CNA

Elbasani është kthyer në qendër të vëmendjes mediatiake dhe politike së fundmi për shkak të asaj që ndodh në këtë qytet ku bandat po shkaktojnë presion të madh mbi popullsinë.

Gjithçka nisi pak ditë më parë me denoncimin e ish-kryeministrit Berisha e më pas me përplasjen e disa gangsterëve me policinë, ku goditën me automjetin e tyre patrullën e policisë.

Për këtë situatë gazetari investigativ Hoxha ka treguar se ne nuk e dimë atë që po ndodh në Elbasan sepse gazetarët e atjeshëm kanë frikë të raportojnë sepse ndihen të kërcënuar:

?U tentua që ngjarja të manipulohej. Ka patur një presion të jashtëzakonshëm. Nuk mund të përmbushin punën e tyre dhe vetë gazetarët sepse ndihen të kërcënuar ata dhe familjet e tyre. Për këtë arsye nuk kemi një informacion të saktë për atë që po ndodh aty?,- tha Hoxha.

?Paralajmërova që para zgjedhjeve se do të kishte probleme në Elbasan. Pjesa më e madhe e problemeve nuk u raportuan në Elbasan. Janë një seri ngjarjesh që në pamje të parë duken si të shkëputura nga njëra-tjetra, por që në fakt kanë lidhje me njëra-tjetrën. Gjatë fushatës unë kam qëndruar në Elbasan dhe po ashtu gjatë muajve të fundit kam shkuar të shoh çfarë po ndodh. Qytetarët në bisedat mes tyre e shprehin haptazi pakënaqësinë për atë që po ndodh në Elbasan. Autoriteti i ligjit dhe shtetit për ta duhet të vendoset në këtë qytet?,- shtoi gazetari Hoxha. /Citynews





Lajmet e fundit nga