web counter
LEXO PA REKLAMA!

SHKARKO APP

App Store
Google Play

E fundit!

x

Selena Gomez zbulon fotot/ Ja arsyeja përse ajo u zhduk këtë verë

14 Shtator 2017, 15:38, Aktualitet CNA

Nëpërmjet disa fotografive në rrjetet sociale, këngëtarja Selena Gomez ka zbuluar për ndjekësit dhe adhuruesit e saj se ajo ka kryer një transplant në veshka për shkak të betejës së saj me Lupusin.

Në një postim të gjatë ajo shpjegonte se pse ajo kishte munguar  gjatë verës ndërkohë që ndau një seri fotografish të plagëve të saj si dhe zbuloi se donatorja e veshkës kishte qenë mikesha  e saj më e ngushtë.

Lupus është një sëmundje kronike autoimune me simptoma që përfshijnë dhimbje të trupit, ethe dhe lodhje ekstreme ? gjithashtu sëmundja mund të çojë deri në dëmtim të veshkave dhe të zemrës.  N

ë profilin e saj në rrjetet sociale ajo shkruante : “Unë jam shumë e vetëdijshëme se disa nga fansat e mi kishin vërejtur se un po mungoja gjatë kësaj vere si dhe nuk po promovoja projektet e mia më të reja për të cilat jamë shumë krenare. Kështu mësova se kisha nevojë për të kryer një transplant për shkak të betejës sime me Lupusin dhe tani po marr veten.?

“Kjo ishte ajo që unë duhet të bëja për shëndetin tim të përgjithshëm. Unë shpresoj të ndaj me ju, së shpejti udhëtimin tim gjatë këtyre muajve të fundit, siç kam dashur gjithmonë të bëj me ju. Deri atëherë unë dua të falenderoj publikisht familjen time dhe ekipin e pabesueshëm të mjekëve për gjithçka që kanë bërë për mua para dhe pas operacionit “.

Selena, vazhdoi të falënderonte shoqen e saj që kishte dhuruar veshkën e saj, duke zbuluar se ajo ndihej “tepër e bekuar”.

Ajo vazhdoi: “Dhe së fundi, nuk ka fjalë për të përshkruar se si mund ta falënderoj mikeshën time të bukur Francis Raisa. Ajo më dha dhuratën dhe bëri sakrificën më të madhe duke dhuruar veshkën e saj për mua. Unë jam shumë e bekuar. Të dua shumë motër. “/CityNews





Lajmet e fundit nga