E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kuvendi maqedon/Ligji për gjuhën shqipe nervozon deputetët e partisë së Gruevskit

14 Shtator 2017, 12:18, Aktualitet CNA

Propozim ligji për gjuhën shqipe iu nënshtrua leximit të parë në seancë plenare në Kuvend. Ndonëse ishte paraparë që leximi të kaloj me diskutime të shumta rreth modaliteteve të ligjit, debati u fokusua kryesisht në procedurën e kalimit të ligjit nga Komisioni për çështje Evropiane në Komisionin për sistem politik dhe në fund në mbledhje plenare. Opozita fillimisht kërkoi heqjen e ligjit nga rendi i ditës. Pas një ore pauzës, grupi tjetër parlamentar i VMRO-DPMNE-së përsëri kërkoi pauzë. Kreu i Kuvendit Talat Xhaferi, nuk aprovoi kërkesën e tyre gjë që shkaktoi revoltë tek deputetët e opozitës të cilët tentuan të pengojnë votimin e rendit të ditës.

VMRO-DPMNE-ja akuzon shumicën parlamentare se Ligjin për gjuhën shqipe po e sjell për qëllime politike. Respektivisht BDI-në, partia e ish kryeministrin Nikolla Gruevski e akuzon se po keqpërdor ligjin për shqipen me qëllim relativizmin e dështimeve të saj. Grupet parlamentare të VMRO-DPMNE-së kërkojnë që ligji të kthehet nga fillimi dhe fillimisht t?i nënshtrohet një debati të gjerë publik.

Në fillim të seancës, Zoran Ilievski, koordinator i grupit të deputetëve të VMRO-DPMNE-së, në mënyrë procedurale shprehu qëndrim se ata si parti më e madhe opozitare në Parlament, i kanë dërguar letër të hapur kryetarit të Kuvendit, Talat Xhaferi në të cilën, siç tha, e kanë informuar cilët nene të Rregullores së Kuvendit janë shkelur për Propozim ligjin për përdorimin e gjuhëve.

Ilievski e përsëriti qëndrimin se për ligjin e propozuar, komision amë duhet të jetë Komisioni për sistem politik dhe marrëdhënie mes bashkësive, e jo Komisioni për çështje evropiane. Nuk janë plotësuar kushtet që ligji të sillet me parashenjë të flamurit evropian, tha Ilievski i cili kërkoi edhe debat publik për ligjin.

Pas reagimit procedural të Ilievskit, bashkëpartiakja e tij Lalloska kërkoi pauzë prej një ore. Fillimisht Xhaferi nuk e pranoi kërkesën dhe kërkoi që shërbimet kuvendore të nxjerrin listë të personave të paraqitur për të marrë fjalën për ligjin. Pas instistimit të Lalloskës, me qëllim, siç tha ajo, të mos përsëriten situatat e tensionuara si ditën e djeshme, shpalli pauzë.

Kuvendi i Republikës së Maqedonisë sot do ta vazhdojë seancën e 15 në rend dite të së cilës është Projekt-ligji për përdorimin e gjuhëve, në lexim të parë.