web counter
LEXO PA REKLAMA!

SHKARKO APP

App Store
Google Play

Demokratët të pakënaqur me Bashën/ Pas Berishës, Mustafaj i jep goditjen e dytë

14 Shtator 2017, 16:04, Aktualitet CNA

Pas kritikave të ashpra të drejtuara dje nga lideri historik i PD-së Sali Berisha në drejtim të kreut aktual Basha, një tjetër figurë e njohur e kësaj partie, Besnik Mustafaj ka thënë se demokratët janë të pakënaqur me Bashën.

I ftuar në News24, Mustafaj theksoi se baza e demokratëve është tejet e pakënaqur, ndërkohë që sipas tij Berisha tha disa të vërteta publikisht.

?Berisha ishte i pakënaqur me listat, me rezultatet në zgjedhje, me mënyrën sesi janë menaxhuar gjërat, dhe qëndrimin në Parlament, e se fundmi me votimin e Ruçit në Kuvend. Kanë qenë disa momente ku Berisha ka dhënë sinjale se ishte i pakënaqur me atë se çka po ndodh, dhe ishte e pritshme që të bënte një analizë. Pra Berisha bën një analizë të përgjithshme, nuk merret me problemet e partisë. Duhet të them se Berisha nuk thotë publikisht të pavërteta?,-u shpreh Mustafaj në fjalën e tij.

Më tej, ai tha se baza e Partisë Demokratike është thellësisht e pakënaqur nga Basha, i cili sipas tyre nuk po reflekton lidhur me situatën brenda në parti, por edhe për rezultatet që ajo ka marrë.

Sipas tij opozita është shumë e dobët dhe e ka të vështirë të luajë rolin që i takon. /Citynews





Lajmet e fundit nga