web counter
LEXO PA REKLAMA!

SHKARKO APP

App Store
Google Play

Drogë në Krujë?/Policia e Durrësit i përgjigjet Berishës

30 Gusht 2017, 19:04, Aktualitet CNA

Pas një statusi të ish- kryeministrit Berisha sipas të cilit në zonën e Krujës, përkatësisht në fshatin Brret dhe Mafsheq kishte bimë narkotike, ka ardhur dhe reagimi i Policisë së Durrësit.

Nëpërmjet një deklarate për shtyp, ato kanë publikuar disa foto sipas të cilëve janë shkrepur në zonën që Berisha shkruan se janë të mbjella me kanabis.

Sipas tyre, një lajm i tillë nuk është aspak i vërtetë.

Njoftimi i plotë i Policisë
Në lidhje me postimin e bërë në rrjetet sociale më datë 30.08.2017 nga deputeti S. B, ku pretendohej se në zonën e Krujës, përkatësisht në fshatin Brret dhe Mafsheq kishte bimë narkotike, ju bëjnë me dije se:

Policia e Shtetit ka zhvilluar një kontroll të imtësishëm në këto zona dhe nuk kanë konstatuar bimë narkotike.

Nga ana e Drejtorisë Vendore të Policisë Durrës janë bërë një sërë goditjesh mbi asgjesimin e bimëve narkotike në zonën e Krujës, arrestimin dhe procedimin e personave përgjegjës.

Polica e Durrësit fton çdo shtetas të denoncojë duke i falenderuar për bashkëpunim me qëllim goditjen e paligjshmërisë, duke garantuar marrjen e masave konkrete ligjore nëse konstatohet shkelje apo implikim.

Vazhdon puna për rikontroll të plotë të territorit.

Bashkëlidhur ju dërgojmë fotot respektive./CityNews





Lajmet e fundit nga