web counter
LEXO PA REKLAMA!

SHKARKO APP

App Store
Google Play

E fundit!

x

Pastrimi i parave/ Zbulohen qindra subjekte, vetëm 4 të arrestuar

29 Gusht 2017, 17:51, Aktualitet CNA

Gjatë periudhës kohore shtatë mujore, janar-korrik 2017, nga ana e strukturave të luftës kundër pastrimit të parave janë  proceduar dyqind e njëzetë e nëntë persona, nga të cilët, çuditërisht, vetëm katër janë arrestuar, kurse  të tjerët hetohen në gjendje të lirë.

E dhena vjen e publikuar nga agjencia e lajmeve ?Sot news?, e cila, duke ju referuar  buletineve periodike të Ministrisë së Brendëshme, vijon të raportojë se gjatë muajit janar 2017 janë proceduar  tridhjetë persona, kryesisht me akuzën e pastrimit të produkteve të veprës penale, por asnjëri prej tyre nuk ka rënë në pranga.

Ndërkohë në muajin shkurt 2017 janë proceduar dyzetë e pesë persona nga të cilët tre kanë rënë në pranga si dhe janë sekuestruar 110.000 euro llogari bankare. Sakaq muaji mars 2017 ka pasur tridhjetë e shtatë të proceduar, por për çudi asnjëri prej tyre nuk ka rënë në pranga. Po ashtu edhe gjatë muajit prill strukturat kundër pastrimit të parave kanë proceduar tridhjetë e tetë persona po nuk kanë prangosur asnjërin prej tyre.

Në periudhën maj-qershor  2017 strukturat kundër pastrimit të parave kanë proceduar pesëdhjetë e katër persona dhe kanë sekuestruar 400.000 euro llogari bankare. Por pavarësisht sekuestrimeve të llogarive bankare edhe në këto dy muaj për çudi nuk është bërë as edhe një arrestim. Megjithatë strukturat kundër pastrimit të parave gjatë muajit korrik 2017 kanë hetuar 25 persona për veprën penale ?Pastrim i produkteve të veprës penale ose veprimtarisë kriminale? nga të cilët është arrestuar vetëm njëri prej tyre si dhe ka sekuestruar 220.000 euro./CityNews





Lajmet e fundit nga