web counter
LEXO PA REKLAMA!

SHKARKO APP

App Store
Google Play

E fundit!

x

Lubonja analizon qeverinë “Rama 2”/ Si do i shkojë fundi aventurierit, vendi drejtohet nga bandat

29 Gusht 2017, 16:22, Aktualitet CNA

Analisti dhe gazetari Fatos Lubonja ka bërë një analizë të plotë të qeverisë së re të prezantuar nga kryeministri Edi Rama.

I ftuar në News24,Lubonja është shprehur se nuk u dha asnjë sqarim për mënyrën se si u eleminuan me një të rënë të lapsit disa ministri dhe dikastere, ndërsa ka shtuar se vendi është i dominuar nga bandat dhe persona të lidhur me krimin që nuk pyesin për qeverinë.

?Nuk ishte ndonjë çudi. Mbas asaj qeverisjes me popullin nuk është ndonjë çudi që ministrat mos kenë rëndësi. Ndjehet kjo sikur nuk ka peshë duke nisur që tek zv. kryeministrja e panjohur. Duket sikur e merr pushtetin ?Rama 1?. Ajo që është më shqetësuese është se janë shkurtuar disa ministri dhe nuk është sqaruar arsyeja. Ndoshta është ngushtuar pak tepsia. Të gjitha këto janë bashkë, por shqetësimi kryesor është mungesa e seriozitetit, siç janë krimi, trafiqet dhe droga. Këto kërkojnë energji të madhe, kur sheh disa ministra që ikin si Tahiri dhe Beqja dhe disa të tjerë që vijnë?,- tha Lubonja ndër të tjera.

Më tej analisti i njohur foli edhe mbi atë se çfarë komunikoi Rama në Asamblenë Kombëtare të PS-së:

?Gjithçka sikur u përqendrua tek fakti sikur ne jemi më të mirët, dhe Rama tha ma jepni mua timonin se do ju çoj unë në drejtimin e duhur. Por cili është drejtimi i duhur nuk na e tha. Pra a do transformohet. Ajo që shoh unë me shqetësim është fakti se këtu po kërkohet të vihet në funksionim e njëjta makinë që punon për të mbajtur një regjim absurd në pushtet. Kemi një zv. kryeministër që bëhet ministër. Pra këtu është një kauzë. Unë po pres si do i vejë fundi aventurierit?- përfundoi ai. /Citynews





Lajmet e fundit nga