web counter
LEXO PA REKLAMA!

SHKARKO APP

App Store
Google Play

E fundit!

x

Nikolla fton Bashën në një takim/ Do të të dëgjojë me vëmendje…

29 Gusht 2017, 19:05, Aktualitet CNA

Pas deklaratës së kreut të opozitës Lulzim Basha i cili u shpreh se librat shkollor duhet të jenë falas, ka ardhur dhe reagimi i ministres së Arsimit, Lindita Nikolla.

Nëpërmjet një statusi në rrjetet sociale, Nikolla shprehet se ministrja teknike e tij ka çoroditur të gjithë dikasteret me veprimet e paligjshme që ka bërë gjatë kohës që drejtoi ministrinë, e për këtë arsye mund të kenë disa probleme.

Nga ana tjetër, me ironi ose jo, ajo e fton Bashën në një takim duke i thënë se do t?i dëgjojë me vëmendje  idetë që ai ka, të cilat mund të përmirësonin sistemin në Arsim.

“Zoti Basha, mbase e keni harruar që prej më shumë se tre muajsh, dikasterin e arsimit e drejton një e zgjedhura juaj. Prandaj po jua kujtoj!
Mbase nuk e dini edhe që pavarësisht dorëheqjes, e zgjedhura juaj ka qenë shumë aktive në çoroditjen e dikasterit përmes vendimeve e veprimeve të paligjshme. Ndërkohë që mund të ju kish informuar për organizimin e shpërndarjes së librave duke i dhënë fund evazionit, si dhe për paketën e teksteve që lidhet me kurrikulën e re.
Prandaj po jua bëj me dije.
Dhe së fundi, mbase nuk e dini, por është e pavërtetë që librat shkollorë janë falas për të gjithë në të gjithë rajonin. Prandaj po iu informoj.
Megjithatë, me të marrë zyrtarisht detyrën e Ministres së Arsimit, Sportit e Rinisë, unë do iu kërkoj një takim për të dëgjuar idetë tuaja dhe në vazhdimësi, do te dëgjoj me respekt çdo ide a sugjerim tuajin apo të grupit tuaj parlamentar.
Shumë faleminderit dhe suksese në detyrën tuaj si kryetar i opozitës në katër vitet e ardhshme”, shkruan Nikolla.





Lajmet e fundit nga