web counter
LEXO PA REKLAMA!

SHKARKO APP

Flamuri kosovar nesër në gjysmështizë/Ditë zie për ish-kryeministrin Rexhepi

21 Gusht 2017, 20:55, Aktualitet CNA

Presidenti i Kosovës, Hashim, Thaçi ka shpallur ditën e nesërme (e martë) ditë zie në Kosovë, në nder të ish-kryeministrit Bajram Rexhepi, i cili u nda sot nga jeta për shkak të një sëmundjeje të rëndë.

Flamuri shtetëror do të ulet në gjysmë shtizë, në të gjitha institucionet brenda vendit, si dhe nëpër ambasadat e Kosovës.

?Në shenjë respekti shtetëror dhe qytetar, dita e martë, 22 gusht 2017, shpallet ditë zie shtetërore në Republikën e Kosovës, pas vdekjes të Dr. Bajram Rexhepi, veteran i UÇK ?së, ish kryetar i Komunës së Mitrovicës, ish kryeministër i Kosovës, ish ministër i Punëve të Brendshme, ish deputet i Republikës së Kosovës dhe kirurg.?, thuhet ndër të tjera në vendimin e presidentit Thaçi.

Gjithashtu Qeveria e Kosovës ka marrë vendim për themelimin e Komisionit të Veçantë për organizimin e ceremonisë mortore për ish-kryeministrin, Bajram Rexhepi./CityNews





Lajmet e fundit nga