web counter
LEXO PA REKLAMA!

SHKARKO APP

App Store
Google Play

Video- Drogë dhe benzinë në Vlorë/Ku e kishin fshehur trafikantët

20 Gusht 2017, 18:31, Aktualitet CNA

Policia e Vlorës ka zbardhur detaje mbi operacionin antidrogë, ku u sekuestruan rreth 700 kg lëndë narkotike.

Uniformat blu bëjnë me dije se vijon operacioni, ndërsa kanabisi është gjetur në një automjet Furgon, bosh pa ngarkesë, ndërsa janë sekuestruar dhe 48 bidonë me nga 60 litra benzinë, gjithsej 2880 litra.

Njoftimi i plotë:

Në vijim të operacionit ndërkombëtar të nisur ditën e djeshme i cili u finalizua me sukses falë bashkëpunimit me DVKM Vlorë, Delta Forcën, DVP Vlorë dhe Guardia di Financën, ku u sekuestruan rreth 650 kg lëndë narkotike në ujrat ndërkombëtare si dhe u kapën dhe u ndaluan dy shtetas që po e transportonin, operacioni ka vijuar me krehjen e zonës ku dyshohet se është nisur gomonia që u sekuestrua me lëndë narkotike.
Si rezultat i krehjes së zonës nga Delta Forcë, Policia Kufitare Vlorë, Drejtoria Vendore e Policisë Vlorë dhe GdF u bë e mundur gjetja dhe sekuestrimi i sasisë tjetër të lëndës narkotike Cannabis Sattiva gati për tu trafikuar.
Lënda narkotike u gjet pranë ”hidrovorit” në Akërni, Novoselë, të fshehur në një zonë pyjore, 29 pako të mëdha me peshë 20 deri në 25 kilogramë secila.
Gjithashtu janë gjetur dhe sekuestruar 48 bidona me benzinë me nga 60 litra secili, si edhe një mjet tip furgon të markës ”Iveko”, bosh.
Nga hetimet paraprake dyshohet se dy personat e kapur në Itali në operacionin e përbashkët, në bashkëpunim me dy persona të tjerë ku për arsye hetimi nuk jepen të dhëna për ta do të trafikonin në Itali edhe këtë sasi lënde narkotike të sekuestruar në Akërni.
Vijon operacioni dhe shkëmbimet intensive të informacioneve me Zyrën Interforcë të Policisë italiane dhe Guardia di Finanza./CityNews





Lajmet e fundit nga