E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Tritan Shehu shiti prona e lokale të PD-së, gjatë kohës kur ishte kryetar i saj

17 Gusht 2017, 10:12, Aktualitet CNA

Tritan Shehu, ?xhaketa e vjetër?, i zgjedhur deputet falë futjes në listën e Republikës së re të Lulzim Bashës, është rikthyer tek partia e këtij të fundit, çuditërisht, pas një serie tradhëtish që i ka bërë kauzës së PD-së tradicionale.

Trajektoren e lëvizjes së Tritan Shehut, ndër vitet e shkuara, nga boshti politik i kësaj partie, na e sjellë gazetari Xhovani Shyti, nëpërmjet faqeve të librit të tij të fundit:?Pabesia e një ambasadori në Tiranë?, krahas skandalit të bisedave të tij të fshehta me ambasadorin italian Paolo Foresti.

Në nënkapitullin ?Fate personazhësh?, autori, madje, zbulon edhe një fakt tjetër, që e nxjerrë Tritan Shehun, ish drejtuesin e kompanisë ?Shqiponja? të akuzuar për ushtrimin e një sërë aktiviteteve të paligjëshme, nga ku fitoheshin të ardhura të konsiderueshme parash, si shitës të disa pronave të PD, kryetar i të cilës ai ishte.

Ja si e përshkruan z.Shyti fatin e personazhit të librit të tij,Tritan Shehu, pas divorcit nga PD-ja.

?Tritan Shehu, ish kryetari i Partisë Demokratike, ish zëvendëskryeministër, ministër i Jashtëm dhe president i firmës tregtare partiake ?Shqiponja?, pas një mungese disavjeçare do të rikthehej në jetën politike si nënkryetar i Partisë Demokratike të Rinovuar(PDR), një subjekt politik ky i dalë prej Partisë Demokratike e që do ti bashkoj sërish partisë mëmë në vitin 2008. Pas zgjedhjeve parlamentare të datës 03 korrik 2009,Tritan Shehu do t?ja dilte të zinte vend edhe në Parlamentin shqiptar, jo si deputet i votuar drejtëpërdrejt nga populli, por si parlamentar i dalë prej listës së votave të proporcionalit. PD pranoi fillimisht të koaliciononte me PDR-në e Shehut e më pas ta thithte atë, ndonëse ky i fundit ishte vlerësuar si menaxhues i keq i kësaj partie, gjatë kohës së drejtimit të saj, ndërsa nga Izet Haxhia, ish shefi i grupit të truprojeve të ish presidentit Sali Berisha, në një intervistë të dhenë për revistën ?Klan?, në muajin mars 1998, ishte tipizuar si kontrollues tërësor i firmës ?Shqiponja?, e që duhej të mbante përgjegjësi edhe:??Për shitjen enigmatike të disa pronave e lokaleve??.

* Për më tepër blini librin ?Pabesia e një ambasadori në Tiranë?, të cilin mund ta gjeni vetëm tek libraritë: ?Adrion?, pranë Pallatit të Kulturës, ?Agolli?, pranë selisë së PS-së, si dhe në “Book Story”, libraria brenda hipermarketit TEG. Fragmentet e publikuara janë ekskluzivitet i CityNews dhe botohen me lejen e autorit.