web counter
LEXO PA REKLAMA!

SHKARKO APP

App Store
Google Play

E fundit!

x

Gruri rus konkuron fuqishëm miellin serb në tregun shqiptar

17 Gusht 2017, 07:20, Aktualitet CNA

 

Mielli jo-cilësor serb me një sasi minimale proteinash prej 11-12% ka përmbytur, jo vetëm tregun e Republikës së Kosovës (prodhuese dhe eksportuese neto e drithërave), por edhe atë të Shqipërisë ?londineze?.

Vëllezërit mafiozë serbë Karic në bashkëpunim me shqiptarin e ?ndershëm?  Shkëlqim Devolli i kompanisë ?M. Sillosi? kanë pjesën e luanit në këtë dumping të miellit plehër serb në tokat shqiptare. Për më shumë mund të konsultohet linku: http://www.citynews.al/2017/03/alarmi-mielli-serb-rrezikon-5-milione-shqiptare-ja-nga-kush-shitet/1

As prodhimi i grurit shqiptar as prodhimi i bollshëm i drithërave në Kosovë nuk arrijnë ta konkurojnë miellin problematik serb. Fermerët kosovarë kultivues të grurit janë në prag të falimentimit, për shkak të kësaj konkurence të pandershme me miell Serbie. Industria e blojës në Kosovë normalisht nuk ngre kokë nga një konkurencë e tillë, ndërsa në Shqipëri kjo industri ndesh pengesa serioze nga kjo një konkurence e tillë e miellit serb.

Për turp të Zotit i vetmi konkurent i suksesshëm ndaj miellit serb të mbetet gruri i importuar nga Rusia. Vetëm gjatë 7 muajve të parë të vitit 2017 në Portin e Durrësit janë shkarkuar 66 000 ton grurë të importuara nga Rusia. Aktualisht në Portin e Durrësit janë duke u shkarkuar në kalata ose duke pritur në radhë për t?u shkarkuar 4 anije me grurë rus.

Në kalatat e portit po shkarkojnë grurë rus anija Altair me flamur të Sierra Leones, 3297 ton grurë dhe anija Sea Trader  me flamur maltez, 5005 ton grurë. Në pritje për të shkarkuar grurin rus janë anijet Ulus Breeze me flamur rus, 3005 ton grurë dhe anija Viktor Borisov po me flamur rus me 3399 ton grurë.

Kuislingët shqiptarë të Luftës së Dytë Botërore dhe ?patriotët? politikanë shqiptarë sot.

Kosova e bashkuar me Shqipërinë nga italianët dhe gjermanët gjatë Luftës së Dytë Botërore, jo vetëm ishte e vetëmjaftueshme në drithëra, por edhe furnizonte Shqipërinë, pjesë të Greqisë veriore dhe të Malit të Zi. Pikërisht pse Kosova superprodhonte drithëra dhe për shkak të politikës italiane e gjermane të tipit ?minds and hearts? me shqiptarët, buka e  furnizuar me triska në tokat e banuara nga shqiptarët ishte në sasi më të madhe, madje edhe se në vetë territorin e Mbretërisë së Italisë.

Kuislingët shqiptarë në kushtet super të vështira të luftës botërore mbrojtën interesat kombëtare ekonomike dhe konsoliduan një treg kombëtar shumë më mirë sesa sot, kur kemi një Kosovë të pavarur dhe një Shqipëri me flamur të ngritur në Vlorë një qind e kusur vjet më parë. Kuislingët si Mustafa Kruja e Rexhep Mitrovica, si Ago Agaj e Bedri Pejani, si Xhaferr Deva e Eqerem Bej Vlora ditën të mbronin interesat e Shqipërisë dhe ta zhduknin totalisht ndikimin ekonomik sllav në thujase të gjitha tokat e banuara nga Shqiptarët (përjashtuar pak fshatra dhe Kumanovën me Ohrin nën okupacionin bullgar).

Sot politikanët shqiptarë këtej dhe andej kufirit Morinë- Vërmicë ende vuajnë nga një inferioritet i tmerrshëm si hyzmeqari kundrejt pronarit përsa i përket sllavëve në përgjithësi dhe serbëve në vecanti. Është kjo ndjenjë inferioriteti masive ndër politikanët shqiptarë, ndjenjë që i avitet kufirit të tradhëtisë kombëtare, e cila bën që miellin e qelbur serb në tregun e Shqipërisë mund ta konkurojë vetëm gruri i Rusisë!!!!/Gjergj Thanasi





Lajmet e fundit nga