web counter
LEXO PA REKLAMA!

SHKARKO APP

App Store
Google Play

Ish-kreu i SHISH jep alarmin/Shërbimet iraniane po ndërhyjnë në Shqipëri

16 Gusht 2017, 08:41, Aktualitet CNA

Ish-kreu i Shërbimit Informativ Shtetëror, Fatos Klosi, ka komentuar vizitën e papritur në mes të të nxehtit përvëlues të gushtit të katër senatorëve amerikanë në Tiranë.

Në një prononcim për ?Sot?, ish-kreu i spiunazhit shqiptar jep alarmin se shërbimet iraniane po ndërhyjnë në Shqipëri për të goditur muxhahedinët e strehuar në vendin tonë, të cilët janë armiq të regjimit të sotëm të Iranit.

Fatos Klosi u shpreh se, meqenëse SHBA kanë qenë vetë ata të cilët i sollën muxhahedinët në Tiranë, kërkojnë nga qeveria dhe autoritetet shqiptare që të rrisin masat për mbrojtjen e tyre, pasi kanë informacione se Irani po kërkon t?i godasë.

Ish-kreu i SHISH thotë se Shqipëria vetë nuk është e rrezikuar nga Irani, pasi dy shtetet kanë marrëdhënie diplomatike midis tyre. ?Senatorët kanë ardhur për t?u interesuar nëse ne i kemi marrë të gjitha masat për t?i mbrojtur ata këtu. Shërbimi iranian ka filluar të fusë hundët në Shqipëri se është bërë qendër e muxhahedinëve, e armiqve të tyre. Vetë Shqipëria nuk është e rrezikuar nga Irani. Ne kemi marrëdhënieve diplomatike, sepse Irani ka ambasadë në Shqipëri?, u shpreh Klosi. Në këto kushte, SHBA kërkon ashpërsimin e masave për mbrojtjen e tyre nga regjimi i Iranit./CityNews





Lajmet e fundit nga