web counter
LEXO PA REKLAMA!

SHKARKO APP

App Store
Google Play

Skandali në Bashkinë e Librazhdit/Si "zhduket" tenderi rreth 1 miliard lekë

15 Gusht 2017, 12:49, Aktualitet CNA

Bashkia e Librazhdit është bërë pjesë e një skandali, që ka përfshirë jo pak institucione. Bëhet fjalë për një tender të dhënë së fundi me rreth 100% të vlerës.

CityNews raportoi për skandale të tilla edhe në Bashkinë e Fierit, të Himarës apo të Vorës.

Ndërsa skandali i fundit është i Bashkisë Librazhd, e cila jep tenderin me rreth 1 miliard lekë dhe nuk kursen prej tij as tre pensione.

Në buletinin nr. 32 të publikuar ditën e djeshme nga Agjencia e Prokurimit Publik, mes të tjerash është edhe tenderi i Bashkisë Librazhd, i cili kap një vlerë marramendëse, por skandali qëndron në faktin se prej kësaj shume institucioni i lartë kursen vetëm disa thërrime, disa grimca të vogla, që nuk shërbejnë as për të mbuluar shpenzimet mujore të dy-tre pensionistëve.

Skandali nuk mbaron me kaq, pasi punonjësit e kësaj bashkie duket të jenë shumë ?specialistë?, teksa janë munduar të ?mbulojnë? skandalin me lojëra shifrash.

CityNews iu sjell më poshtë të dhënat e tenderit, ku fondi limit i vënë nga bashkia është në vlerën e mbi 82 milionë lekëve pa tvsh, ndërsa vlera totale përfundimtare e kontratës është në vlerën e mbi 99 milionë lekëve me tvsh.

Nga një përllogaritje e thjeshtë rezulton se vlera përfundimtare pa tvsh është e njëjtë me vlerën e parë. Tenderi jepet në mënyrë të dyshimtë dhe korruptive, ku nuk ka asnjë të dhënë dhe mbi ofertuesit, përveç faktit se nga ajo shumë e madhe nuk kursehet thuajse asgjë./CityNews

 

 

 

 





Lajmet e fundit nga