web counter
LEXO PA REKLAMA!

SHKARKO APP

App Store
Google Play

I kërkuan rryshfet turistit kosovar/ Ai “ua mbledh keq” punonjësve të policisë

7 Gusht 2017, 14:54, Aktualitet CNA

Një turist është përballur me një situatë të pakëndshme në Shqipëri. Atij i është dashur që të përballet me një sjellje aspak profesionale të punonjësve të Policisë së Shtetit, të cilët i kanë kërkuar bakshish.

Sipas tij, ata e ndaluan për një kontroll rutinë teksa ishte nisur nga qyteti i tij për në bregdetin shqiptar për pushime. Më pas, pasi forcat blu i kanë gjetur çdo gjë në rregull, i kanë kërkuar bakshish.

Menjëherë pas këtij denoncimi, ka ardhur edhe reagimi i Policisë së Durrësit. Përmes një njoftimi për shtyp, ata shkruajnë se është kërkuar pezullimi i menjëhershëm nga detyra i efektivëve të policisë të Qarkullimit Rrugor, I.Sh. dhe I.V.

Sqarimi i plotë i policisë:

Në lidhje me një publikim në media online, ku një qytetar nga Kosova ka denoncuar dy punonjës policie me pretendimin se i kanë kërkuar rryshfet, bëjmë me dije se:

Drejtori i Drejtorisë Vendore të Policisë Durrës sapo është njohur me rastin ka urdhëruar pezullimin e menjëhershëm nga detyra të I.Sh. dhe I.V.  efektive policie të Qarkullimit Rrugor, deri ne  sqarimin e rrethanave.

Nga verifikimet e kryera është konstatuar se në lidhje me rastin e denoncuar, per mjetin ne fjale është vendosur një masë administrative nga patrulla e Policise.

Për veprime të mëtejshme më të hollësishme çështja është dërguar pranë Drejtorisë së Standarteve Profesionale në Drejtorinë e Policisë së Shtetit, për evidentimin dhe marrjen e masave perkatese.

Drejtoria Vendore e Policisë Durrës falenderon çdo qytetar për bashkëpunimin dhe mediat per denoncimin, duke garantuar marrjen e masave konkrete ndaj punonjësve që shkelin ligjin./CityNews





Lajmet e fundit nga