E fundit!

11:31 Aktualitet

Tri dekada në polici/ Kush është drejtori i ri që pritet të marrë komandën për Tiranën

Adriatik Tafçiu, i renditur i pari në procesin e vlerësimi...

Portat nga ku miliardat e parave të pista kalojnë për tu pastruar

4 Gusht 2017, 08:00, Aktualitet CNA

Janë miliarda lekë të rrjedhura nga burime të zeza që për çdo vit kalojnë kufijtë e vendit tonë për tu transferuar jashtë, kryesisht drejt vëndeve ku aplikohen ofshoret, apo drejt atyre bankat e të cilave nuk kërkojnë llogari për burimin e tyre.

Megjithse fenomeni ka qenë prezent prej vitesh ai është shtuar veçanërisht këto vitet e fundit qëkurse nisën përgatitjet për sipërmarrjen e Reformës në Drejtësi. Të trembur nga ajo çka mund tu ndodh me implementimin e ligjit të vettingut dhe transparencën pasurore, jo pak nënpunës, por edhe të tjerë që të ardhurat e disponuara nuk i justifikjnë dot, zgjodhën rrugën e transferimit të shumave jashtë vendit. Mirëpo si ja dalin ta bëjnë këtë, pasi bëhet fjalë për shuma që nuk mund të kalohen kesh? Përgjigjen e gjen tek faqja në internet e Drejtorisë së Pastrimit të Parave të Pista (DPPPP), ku bëhet me dije se përgjatë vitit 2016 janë bllokuar 28,772,733 euro, ndërsa u sekuestruan 8 milionë prej tyre.

Njerat nga portat e transfertave janë bankat e nivelit të dytë. Gjatë vitit 2016 ka pasur 619 raportime nga këto banka, në drejtim të DPPPP, të cilat kanë raportuar transferta në shuma të mëdha parash.

Porta e dytë e transfertave janë shoqëritë e transfertave, prej të cilave ka pasur 209 denoncime.

Porta e tretë nga ku këto para dalin jashtë vendit, sipas DPPPP-së është nxjerrja e tyre në mënyrë tokësore. Lidhur me këtë, doganat kanë denoncuar 47 raste, ku individë të caktuar kanë tentuar të kalojnë sasi të shumta monedhash.

Dhe porta e katër e më efikasja është investimi i shumave të parave në pasuri të patundshme. Këtë e evidentojnë hipotekat që gjatë vitit 2016, kanë raportuar pranë DPPPP 134 raste të dyshimta.

Por rol efikas në pastrimin e parave kanë noterët, të cilët ligjërojnë nëpërmjet akteve pastërtinë e pronësive të rrjedhura nga para të pista.

Në DPPPP janë denoncuar plot 205 raste, kur individë të caktuar kanë nënshkruar akte noteriale, dhurimi, kalimi pronësie apo llogari bankare me vlera shumë të mëdha. Këtu nuk llogariten rastet e shumta që noterët nuk i raportojnë pranë DPPPP.

Po ashtu, raste të tjera ku pastrohen paratë janë shoqëritë e automjeteve. Sipas drejtorisë, ka pasur 35 raste denoncimesh nga këto shoqëri për raste të dyshimta nga individë të caktuar. Në fund vijnë shoqëritë e leasking dhe ato të pagesave elektronike. Pra gjatë vitit 2016 janë shënuar 1.300 raste të dyshimta të pastrimit të parave./ CityNews