web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot MYFTARAJ/ Kjo është dhurata e parë që mori Meta si President

25 Korrik 2017, 13:40, Aktualitet CNA

Presidenti Meta ka marrë sot dhuratën e parë. I ftuar prej tij në një drekë presidenciale, Ilir Kulla, miku i tij, i ka dhuruar një palë tehspije, të ngjashme me ato tashmë të famshme të cilat Kulla i ekspozoi fillimisht në emisionin ?Zonë e Lirë? të Arian Canit në Tv Klan, e më pas edhe në studio të tjera televizive.

Vecse tehspijet që Likja i vogël i dhuroi Likes së madh, kanë një veçori, ato janë një prodhim i posacëm me 60 kokrra (tehspihet e zakonshme kanë 40 kokrra), që do të thotë se Presidenti Meta mund të tërheqë një kokërr për çdo muaj të mandatit.

Është një mënyrë simbolike kjo që Kulla ka zgjedhur për t? i shprehur Metës urimin që ta mbyllë të plotë mandatin presidencial të sapo marrë.

Nuk dihet se sa do ta ndihmojë ky talisman apo hajmali Presidentin e ri, mbi tehspijet e të cilit rri si ?Shpata e Damokleut? hija e ?gërshërës? së SPAK-ut, që pritet ta presë fillin e tyre dhe t? i bëjë të shpëndahen kokrrat e tyre si kokrrat e tespiheve të Plakut Mere në filmin ?Njeriu me top?.

Sa do të dalë ky parashikim? Të mos harrojmë se në debatin e përjavshëm që patëm unë dhe Kulla për rreth një vit në emisionin ?Zonë e Lirë?, ai thoshte se Meta do të bëhet kryeministër, unë thosha se Meta do të bëhet president.

Tani Kulla poston në Facebook foto nga dreka që pati me Metën në Presidencë!

Me dhuratën që i bëri Metës sot, Kulla parashikoi në mënyrë simbolike se Presidenti i ri do ta mbyllë mandatin e plotë.

Le të shohim edhe këtë herë se kujt do t? i dalë parashikimi!/CityNews





Lajmet e fundit nga