E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shifrat dhe faktet pse Basha ka shtuar votat në kuti/ Ndryshimi nga 2013 në 2017

24 Korrik 2017, 09:07, Aktualitet CNA

Partia Demokratike formalizoi zyrtarisht një garë fiktive për kryetarin e saj. Pas lojës ?ngriva-shkriva?, Lulzim Basha ruajti postin e kryetarit të PD. Ai është rikonfirmuar, por edhe njëherë ka gabuar publikisht, këtë herë duke fyer dhe përdhosur inteligjencën dhe idealet e demokratëve.

Përfundimisht Lulzim Basha nuk heq dorë nga vesi i vjetër, i të mashtruarit këdo që mundet dhe këdo që i del përpara.

Shpallja e rezultatit dhe mbushja e kutive janë provat e mashtrimit që janë bërë në çdo cep të Shqipërisë, përjashto ndoshta Kukësin, i cili është rezultati real i votave në të gjithë Shqipërinë.

Kutitë janë mbushur me vota nga jugu në veri dhe Basha tregon maktin dhe mashtrimet e tij. Makth për rezultatin sepse demokratët e kanë braktisur.

Ai është shtirur si kryetar, por i ka ngrirë buzëqeshja dhe pasi humbi garën me kundërshtarin politik, mikun e tij Edi Rama, ai ka humbur përfundimisht besimin e demokratëve.

Në mënyrë qesharake, kreu demokrat ka shpallur një rezultat që është mbi 51% të totalit të zgjedhësve që ka PD, për të treguar se ka mbështetjen e shumicës së demokratëve në bazë.

Por cila është e vërteta? Kutitë janë mbushur për të nxjerrë këtë rezultat dhe CityNews paralajmëroi mëngjesin e së dielës urdhrin e Bashës dhënë kryetarëve të degëve për të manipuluar rezultatin.

Në vitin 2013, në PD kishte një garë të vërtetë, ajo ende nuk e kishte rrëzuar qeverinë, kur dy personazhe kryesore politike të demokratëve përplasën ashpër ?brirët?, ishte i ndjeri Sokol Olldashi dhe Lulzim Basha, ky i fundit në atë kohë pati mbështetje hapur dhe anësi nga Sali Berisha.

Atëherë votuan rreth 41 mijë vetë, ndoshta rreth 80% e anëtarësisë reale dhe aktive e demokratëve, pasi e vërteta është se PD realisht në shifra ka rreth 50 mijë anëtarë.

Një numër tjetër shumë i madh thuajse afërsisht me shifrën e votuesve aktivë, pretendohet se janë anëtarësi aktive dhe emigrantë.

Në atë kohë pati një garë të vërtetë, pati fushatë nga dy kandidatë. PD ishte ende në qeveri dhe dolën të votojnë vetëm 41 mijë. Pra afërsisht shifra më maksimale historike e regjistruar ndonjëherë.

Në 2017, sipas Lulit dhe Mark Abdisë së tij, Jemin Gjana, kanë votuar 60 mijë demokratë. Kur lista reale dhe aktive e anëtarësisë nuk është më shumë se 50 mijë.

Së dyti në 2013 pati një garë të vërtetë, kishte alternativa, fushatë, rivalët u përplasën. Në 2017 Lulzim Basha ishte pa rivalë, ai nxorri përballë vetes të shkuarën e PD që tashmë nuk përfaqësonte më asgjë.

E në rast se pranojmë se në 2013 Lulzim Basha fitoi shumicën me mbështetjen e Berishës, sot në 2017 pasi ka humbur zgjedhjet keqazi dhe në mënyrë të turpshme me kundërshtarin politik, në parti i është dyfishuar mbështetja?

Ndoshta disa vota mund t?i shtoheshin nga strukturat e call-centerit apo nga anëtarë të futur në lista prej familjarëve të tij, por ata mund të jenë disa qindra, kurrsesi nuk mund të jenë gatin dyfishin e votave të 2013.

Në 2017 nuk kishte garë, nuk kishte ide, nuk kishte përballje. Kishte një disfatë personale të Lulzim Basha dhe ai del dhe i mashtron demokratët, duke thënë se shumica e mbështet.

Gënjeshtrat e tij fillojnë që në vitin 2014 me regjistrimin e anëtarësisë, ku kudo në Shqipëri janë bërë regjistrime fiktive, anonimë që të mbështesnin kryetarë të caktuar dhe pjesë të planit të Lulzim Bashës.

Atëherë Basha për të treguar se PD ishte rritur edhe pse po rrudhej në drejtimin e tij, deklaroi se ishin anëtarësuar 105 mijë anëtarë.

Në fakt në shifra reale nuk shkonte më shumë se 50 mijë, sot duke vazhduar gënjeshtrën e tij, mbush kutitë dhe thekson se ka mbështetje më të madhe se në 2013, pasi e zgërlaqur PD dhe e ka çuar në rezultatin më të ulët historik, siç e deklaroi ish kryeministri Sali Berisha.

Gënjeshtër më qesharake nuk ka. 4 vite, pasi ka marrë drejtimin e partisë, e ka çuar në humbje, e ka përçarë, nuk ka ngritur asnjë strukturë organizimi, nuk ka mbajtur asnjë kauzë, por ka krijuar vetëm kaos dhe iu thotë demokratëve turpësisht se ata e duan më shumë se 4 vite më parë. Këtë gënjeshtër të Lulit të përgatitur nga këshilltarët e tij politikë, nuk e beson as kunati që e do kaq shumë./CityNews