E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Luli ka nevojë për doktor

19 Korrik 2017, 11:04, Aktualitet CNA

Kryetari i vetëngrirë i Partisë Demokratike, Lulzim Basha, ka filluar një fushatë të çoroditur brenda strukturave të PD. Një fushatë të çoroditur, ku duket dhe vetë i nxirë, i mërzitur, ndoshta jo nga humbja, por nga fakti se çdo ditë e më shumë po sfilitet për të mbajtur karrigen e kryetarit të Partisë Demokratike.

Në një garë që askush nuk ja beson më, e cila nuk ka asnjë moral, sepse çdo demokrat, nga ai më i riu tek ai më i vjetri minimalisht i ka kërkuar Lulzim Bashës të japë dorëheqjen, të bëjë një analizë dhe pastaj demokratët të kenë një garë të vërtetë, por kjo s?po ndodh. Ajo që po ndodh është krejt tjetër. Një call-center i financuar nga familjarët e Bashës shan, fyen sulmon këdo që i del përpara.

Për më tepër, disa militantë të rinj, dikush i punësuar në bashki, dikush i paguar lart e poshtë nga kompanitë private të tij, përplasen, konfliktohen me të rinj të ndryshëm në rrjetet sociale, duke sjellë një përçarje dhe thuajse një ndarje faktike.

Shumë nga senatorët e Partisë Demokratike, njerëz me kontribute dhe vlera të saj, intelektualë të padiskutueshëm, ndajnë të njëjtin mendim, edhe ata që janë më pro Bashës, se Lulzim Basha duhet të kishte dhënë dorëheqjen.

Pra, problemi është ky: Lulzim Basha duhej të dorëhiqej, që Partia Demokratike të fitonte legjitimitetin, rrymat brenda saj të bashkoheshin dhe të ecej përpara drejt një procesi, analize zgjedhjesh të vërteta, që do çonte në një bashkim dhe ringritje të PD.

Kjo nuk po ndodh, sepse Lulzim Basha në fakt ka frikë, ka frikë nga zgjedhjet e vërteta në PD, ka frikë nga analiza, sepse shkaktari dhe përegjegjësi kryesor i humbjes është ai dhe vetëm ai, që i mungojnë të paktën 200 mijë vota.

Përgjegjësi kanë dhe të tjerët, pa diskutim, por përgjegjësi kryesor është Lulzim Basha, listat e tij, ekipi i tij dhe aksioni i tij politik në këto 4 vite.

Në fakt Lulzim Basha këtë nuk e bën, sepse ka frikë nga analiza e vërtetë. Por, dikush duhet t?i thotë Lulzim Bashës sot se ka ardhur koha që ai të shkojë te doktori. Lulzim Basha duhet të shkojë te një doktor i vërtetë, ndoshta te doktor Berisha apo te ndonjë doktor tjetër, por patjeter ai më shumë se kurrë sot ka nevojë për një doktor, qoftë ky i fushës së psikologjisë, i traumës, apo ndonjë doktor i përgjithshëm, sepse duhat ta vizitojë lLulzim Bashën dhe duhet t?i shpjegojë të paktën disa parime.
Së pari, Lulzim Basha duhet ta kuptojë se sëmundjen e tij nuk mund ta zgjidhë duke pirë paracetamolë apo aspirina dhe këtë duhet t?ia thotë një doktor. Sëmundja e tij zgjidhet krejt ndryshe.

Lulzim Basha vërtet ka nevojë për doktor, për një doktor që ta ulë pranë dhe t?i shpjegojë se çfarë ?sëmundje? vuan Partia Demokratike, cilat janë problemet e saj kryesore dhe si kurohen ato. Partia Demokratike vërtet ka nevojë që në krye të saj të ketë një lider, të ketë një njeri që ta bashkojë rrymën, ta drejtojë drejt një procesi analize të fortë, e cila do të ishte një kurë e mirë për ta shëruar atë. Por, Lulzim Basha nuk mendon se ka nevojë për doktor, ai e ka gjetur rrugën e tij. Zgjidhja është një dhe vetëm një. Për Lulzim Bashën është përçarja, sulmi dhe shpartallimi i kujtdo që kërkon llogari dhe lehtësisht i kërkon analizën dhe përgjegjësitë e një humbjeje katastrofike më 25 qershor.

Lulzim Basha ka vërtet nevojë për doktor, i cili t?i shpjegojë se një pacient i sëmurë rëndë ka nevojë për mjekim dhe të ndiqet mjaft mjaft mirë, ditë pas dite, orë pas ore, për të kuptuar cila është vërtet sëmundja e tij dhe cilat janë mënyrat për ta shëruar atë. Lulzim Basha nuk e bën këtë. Lulzim Basha nuk kërkon ta shërojë Partinë Demokratike. Lulzim Basha kërkon ta mbajë peng atë, edhe të sëmurë, mjafton vetëm që ai të jetë në krye të saj.

Sot ka ardhur koha që Lulzim Basha t?i drejtohet doktorit, qoftë për veten e tij, qoftë për të ardhmen e Partisë Demokratike./CityNews