web counter
LEXO PA REKLAMA!

SHKARKO APP

App Store
Google Play

E fundit!

x

Servilët e Bashës “terrorizojnë” demokratët në Shkodër/Incident në sallë

18 Korrik 2017, 07:32, Aktualitet CNA

Kreu i vetëngrirë i Partisë Demokratike, Lulzim Basha, zhvilloi ditën e djeshme një takim me strukturat e PD në qytetin e Shkodrës, në kuadër të garës për kreun e ri të partisë. Ashtu si gjatë fushatës zgjedhore të 25 qershorit, Lulzim Basha është braktisur edhe dje nga demokratët. Këta të fundit bënë peticion kundër tij, duke kërkuar anulim të garës për kreun e ri të PD, duke e cilësuar atë false dhe të padrejtë.

Përtej kësaj, burime i thanë CityNews se takimi i Bashës është shoqëruar me një incident edhe në sallë. Një zotëri shkodran është ngritur nga salla dhe ka sulmuar ashpër Bashën, duke i thënë se nuk është fare transparent që nuk tregon se çfarë ka diskutuar me Ramën.

Të njëjtat burime i thanë CityNews se kanë qenë servilët e Bashës, të cilët kanë ndërhyrë menjëherë, duke i bërë presion qytetarit dhe duke i kërkuar të ulej. Gjithashtu, mësohet se mbështetësit e Bashës kanë qenë në sallë me ?bllok?, prej ku kanë mbajtur shënim të gjithë ata që duartrokisnin për Eduard Selamin.

Gjatë takimit me demokratët shkodranë, Basha është përplasur dhe me rivalin e tij, Selamin. Teksa ka qenë duke thënë se është kreytari i PD dhe i takon të bëjë këto takime ka ndërhyrë menjëherë Selami, i cili i ka thënë se gara është e padrejtë dhe se ai nuk është i ngrirë.

?Kam ngrirë vetëm funksionet organizative dhe jo ato përfaqësuese, kështu që jam akoma kryetar i PD?, ka thënë Basha, thanë burime nga takimi për CityNews, ndërsa Selami ka vijuar të këmbëngul se kjo garë është e padrejtë.

Ndërkohë, po këto burime i thanë CityNews se takimi i Bashës në Shkodër ka qenë tepër i mundimshëm, jo vetëm për braktisjen që i kanë bërë shkodranët dhe incidentet në sallë, por edhe për vapën e tmerrshme që ishte brenda sallës, pasi nuk kanë punuar as kondicionerët./CityNews





Lajmet e fundit nga