web counter
LEXO PA REKLAMA!

SHKARKO APP

App Store
Google Play

Tragjedia në Vlorë/ Paralajmërimi i gazetarit: Ka rryma që tërheqin, kujdes!

16 Korrik 2017, 08:09, Aktualitet CNA

Një ditë pas tragjedisë në Zvërnec të Vlorës, ku 3 të rinj u mbytën në det, gazetari Enrik Mehmeti, duke shpjeguar shkaqet që mund të kenë çuar në këtë tragjedi ka paralajmëruar që të bëhet kujdes.

Mehmeti thotë se në gjirin e PortoNovës, ku humbën jetën tre të rinjtë, ka rryma të cilat të tërheqin drejt thellësisë dhe nëse nuk je notar i sprovuar, nuk ia del dot ballë.

Përsa i përket këtyre rasteve mjaft të rrezikshme, Mehmeti paralajmëron që kushdo që nuk di not mirë mos të shkojë më thellë sesa gjoksi dhe nëse i rrëmben rryma duhet të ruajnë qetësinë dhe të vazhdojnë notin.

?Marr shkas nga tragjedia e fundit e ndodhur në gjirin e Porto Novës në zonën e Zvërnecit ku humben jetën 3 persona. Dua t?u them gjithë miqve të mi që mund t?u bjerë rasti të bëjnë plazh në atë gji, që të keni shumë kujdes nëse nuk jeni notare të sprovuar. Në atë zonë shpesh ka rryma shumë të forta që të tërheqin drejt thellësisë. Të gjithë ata që nuk janë notare me rezistencë të lartë ose që nuk e njohin mirë detin, të mos shkojnë më thellë sesa niveli i gjoksit të tyre. Ky fenomen ndodh edhe në zona të tjera, dhe është shkaku kryesor i rasteve ku njerëzit mbyten duke u larë në det. Nëse ju ndodh, mos e lini veten që t?u kape paniku, kjo është fatale! Ruani qetësinë dhe nëse nuk notoni dot kundër rrymës, lëreni atë t?u marrë me vete, pasi nuk do t?u largojë shumë metra, mbase disa dhjetëra, dhe prej aty, pasi të keni mbledhur forcat dhe marrë veten, notoni me zig-zage në drejtim të bregut më të afërt?, shkruan gazetari Enrik Mehmeti./CityNews





Lajmet e fundit nga