E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ja kur pritet të nisë zyrtarisht procesi i Vettingut në Shqipëri

16 Korrik 2017, 15:44, Aktualitet CNA

Kryesuesja e Operacionit Ndërkombëtar të Monitorimit për Reformën në Drejtësi, Genoveva Ruiz Calavera ka zbuluar në një intervistë për DW se kur do të nisë procesi i Vettingut.

Sipas saj, ky proces pritet të nisë në muajin shtator, pasi sa më shpejt që të fillohet nga puna, aq më mirë është edhe për popullin shqiptar.

?Operacioni Ndërkombëtar i Monitorimit (ONM)) është gati të vërë në dispozicion ekspertizën e tij shumë të kualifikuar për të shoqëruar procesin, menjëherë sapo institucionet lokale të vettingut të jenë gati për të filluar procesin e rivlerësimit, që shpresojmë të nisë aty nga fillim i kësaj vjeshte?, deklaroi ajo.

Gjitashtu, Calavera ka sqaruar se roli i ndërkombëtarëve do të jetë vetëm vëzhgues sepse procesi varet krejtësisht nga strukturat vendase.

?Për të qenë të qartë, ndërsa komuniteti ndërkombëtar mban përgjegjësi për të monitoruar procesin, varet nga strukturat vendase, institucionet e vettingut që janë ngritur tanimë për të kryer direkt rivlerësimin?, u shpreh drejtorja e ONM.

Më tej, ajo shtoi se rezultatet e para të procesit të Vettingut janë marrë ende pa nisur zyrtarisht, pasi disa prokurorë dhe gjyqtarë kanë dhënë dorëheqjen për të shmangur verifikimin.

?Ligji për vettingun u dha një afat të qartë kohor gjithë anëtarëve të gjyqësorit që të paraqisnin një informacion paraprak mbi pasuritë dhe trashëgimitë e tyre. Para se afati të skadonte disa gjykatës, prokurorë dhe këshilltarë ligjorë zgjodhën të jepnin dorëheqjen. Në njëfarë mënyre, kjo do të thotë se vettingu tanimë ka filluar të sjellë rezultate, para fillimit të tij të pritshëm?, tha ajo.

Sipas kryesueses së misionit ndërkombëtar të monitorimit, shtyllat e vettingut janë tre.

?E shkuara, pasuritë dhe vlerësimi i aftësive profesionale, që do të jenë të detyrueshme dhe do të kryhen për secilin anëtar të gjyqësorit. Ne do të monitorojmë se hetimet do të jenë të plota dhe do të bëjnë të mundur, një herë dhe përgjithmonë, pastrimin e sistemit të drejtësisë, në të gjitha nivelet e saj, nga ata që nuk shërbejnë në interes të qytetarëve shqiptarë, por kanë ndjekur praktika të korruptuara ose kanë zhvilluar lidhje me rrjetet e krimit të organizuar?, deklaroi ajo.

E pyetyr për efektet e para të reformës në drejtësi, Calavera tha se nuk mund të bënte një parashikim kohor, por u shpreh optimiste për këtë proces.

Genoveva Ruiz Calavera, që mban gjithashtu edhe postin e Drejtores për Ballkanin Perëndimor në Komisionin Europian për Fqinjësinë dhe Negociatat e Zgjerimit, foli edhe për integrimin e rajonit në BE.

?Ballkani Perëndimor është pjesë e familjes europiane dhe e ardhmja e tij është Bashkimi Europian. Takimi i fundit në Trieste ishte një rast për të forcuar dialogun dhe bashkëpunimin konkret në shumë sektorë të ndjeshëm, duke konfirmuar një angazhim të fortë të përbashkët për të avancuar më tej marrëdhëniet dypalëshe si dhe bashkëpunimin rajonal?, ka thënë ajo./DW