web counter
LEXO PA REKLAMA!

SHKARKO APP

App Store
Google Play

E fundit!

x

Publikohet video-skandali/Si u vodhën votat e Blushit në Tiranë nga PS-PD

13 Korrik 2017, 20:18, Aktualitet CNA

Një video skandal është publikuar mbrëmjen e sotme në emisionin ?Të Paekspozuar? të gazetarit Ylli Rakipi, ku tregohet mënyra se si vidhen votat e partisë së Ben Blushit. Në vidoe duken numëruesit e dy partive të mëdha, PS dhe PD, por edhe të partive të tjera LSI e PDIU, të cilët tjetërsojnë votat e LIBRA-s.

Materiali 7-minutësh bën fjalë për vjedhjen e mbi 40 votave të LIBRA në 7 kuti, në Njësinë nr. 8 në Tiranë, KZAZ nr. 38 tek Shkolla e Kuqe.

Numëruesit e KZAZ nr. 38 janë nënpunës të administratës shtetërore. Njëri prej tyre quhet Ergys Hila, ai është i Partisë Socialiste dhe punon si Shef Finance në Ministrinë e Mbrojtjes. Një tjetër numërues i kësaj KZAZ ku janë vjedhur votat e LIBRA, quhet Florian Shkreta, dhe është i LSI. Ai punon pranë Drejtorisë së Hipotekave. Dy numëruesit e tjerë janë Mirand Seferi dhe Elona Filolli.

Kjo e fundit është e PDIU dhe punon pranë Institutit të Sigurimeve Shoqërore. LIBRA ka marrë me vonesë dhe me probleme pamjet filmike të numërimit nga KQZ. Kjo bëri që të digjeshin afatet për ankimin në Kolegjin Zgjedhor./CityNews





Lajmet e fundit nga