web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria, Kosova dhe Mali i Zi, qendër bashkëpunimi policor

30 Maj 2017, 18:21, Aktualitet CNA

Tre vëndet fqinj, Shqipëria, Kosova dhe Mali i Zi kanë krijuar një qendër të përbashkët për bashkëpunim policor që do të përmirësojë shkëmbimin e informacionit dhe risë sigurinë e kufirit të përbashkët në drejtim të arritjes së standardeve të zonës së Shengenit.

Protokolli për themelimin e Qendrës u nënshkrua në Plavë nga Ministrat e Brendshëm të Shqipërisë, Dritan Demiraj, ai i Malit të Zi, Mevludin Nuhod?i? si dhe nga zëvendësministri i Punëve të Brendshme të Kosovës,Valdet Hoxha.

Siç njoftoi nga Qeveria malazeze, dokumenti do të kontribuojë në përmirësimin e bashkëpunimit ndërkufitar në luftën kundër krimit, përmes shkëmbimit më intensiv të informacioneve operative dhe koordinimin më efikas të aktiviteteve të përbashkëta përgjatë kufirit shtetëror, shkruajnë mediat malazeze, transmeton zeri.info, duke vijuar të raportojë se:

Ministri Nuhod?i? tha se qendra trepalëshe simbolizon angazhimin në luftën kundër krimit të organizuar transnacional dhe një kontribut të përbashkët për forcimin e sigurisë në rajon.

Ambasadori i Gjermanisë në Mal të Zi Hans Ginter Matern në emër të Qeverisë së Gjermanisë përgëzoi qeveritë e Malit të Zi, Shqipërisë dhe Kosovës për rezultatet e arritura dhe premtuese në drejtim të bashkëpunimit rajonal. Qeveria Federale e Gjermanisë, siç theksoi me këtë rast ambasadori Matern dhe në të ardhmen do të mbështesë bashkëpunimin trepalësh të policisë kufitare.

Ambasadorja e SHBA-së në Mal të Zi, Margaret en Uehara, falënderoi palët në emër të qeverisë amerikane për kontributin e dhënë dhe bashkëpunimin në objektivat e përbashkëta, për realizimin e sistemeve të sigurta dhe efektive të kontrollit të kufirit, si dhe inkurajimit për shkëmbimin ndërkufitar të informacionit.





Lajmet e fundit nga