web counter
LEXO PA REKLAMA!

SHKARKO APP

App Store
Google Play

Video-Si u zbulua tuneli i drogës në Përmet/Çfarë gjeti policia

26 Maj 2017, 16:55, Aktualitet CNA

Policia sekuestroi sot një sasi të madhe droge në Përmet, duke ndaluar disa persona. Në kuadër të opreacionit “Piskova”, policia bëri të mundur zbulimin e një tuneli me 768 kg drogë.

Pas aksionit, janë publikuar pamjet e zbulimit të tunelit, prej ku u nxorën 102 pako dhe thasë të mbushur me lëndën narkotike.

Aksioni

Në bazë të informacioneve të marra në rrugë policore nga Seksioni i Hetimit të Narkotikëve në policinë e Gjirokastrës, se në një tunel në fshatin Piskovë, Përmet kishte lëndë narkotike, menjëherë është organizuar e vijon operacioni “Piskova”, njofton policia.

Si rezultat i operacionit nga kontrolli i ushtruar në tunel, shërbimet e policisë kanë gjetur 102 pako dhe thasë të përmasave të ndryshme, brenda të cilave kishte lëndë të dyshuar narkotike kanabis sativa.

Lënda nakotike u sekuestrua në cilësinë e provës ku pas peshimit rezultoi se pesha totale është 768 kilogramë.

Në vijim të operacionit janë shoqëruar disa persona në ambientet e Drejtorisë Vendore të Policisë Gjirokastër në lidhje me këtë ngjarje.

Specialistët për Hetimin e Narkotikëve në bashkëpunim e Prokurorinë po vijnë hetimet për dokumentimin dhe vënien përpara përgjegjësisë ligjore të personave të implikuar në këtë veprimtari kriminale, shtojnë të njëjtat burime zyrtare./CityNews





Lajmet e fundit nga