web counter
LEXO PA REKLAMA!

SHKARKO APP

App Store
Google Play

E fundit!

x

In Memoriam/Henri Rroqja djaloshi durrsak për së mbari ndërroi jetë në Itali

25 Maj 2017, 11:43, Aktualitet CNA

Henri Rroqja vetëm 19 vjecar një durrsak emigrant në zonën e Bellunos në Itali ndërroi jetë pas një sëmundje të rëndë. Mediat italiane nga prestigjozja Corriere della Sera deri te ato lokale si Belluno fane[page.it apo corrierAlpigeolocal.it kanë trajtuar rastin e shqiptarit të mirë Henri.

Në mediat italiane shkruhet se Henri për shokët e shoqet italianë të gjimnazit ishte tipik shqiptari për së mbari (bravo Albanese). Ata e kujtojnë Henrin si një djalosh të shkëqyer, të dashur e gjithnjë të gatshëm për të debatuar me profesorët në mbrojtje të shokve të klasës.

Kujtojnë Henrin dhe pasionin e tij të madh për motorcikletat. Pasion ky që sfidonte edhe sëmundjen e rëndë, që e kishte detyruar henrin të lëvizte gjithnjë me karrocë elektrike. Shoqëria e klasës dhe miqtë e qytezws Un Ponte per le Alpi për ditëlindjen e 19 i bënë dhuratë Henrit një shtitje me motorcikletë.

Ditëlindje kjo, që u kthye në një festë për gjithë shkollën me këngë e valle shqiptare si Vallja pogonishte e kërcyer nga nxënësit e Institutit Catullo të Bellunos. Në varrimin e Heënrit miqtë e tij italianë e shprehën dhimbjen me kurora me lule, me tullumbacë të bardhë e me duartrokitje ashut sic përcillet arkivoli siaps traditës locale.

Nesti dhe Lola prindërit e Henrit, si edhe katër motrat e tija Elena, Ema, Antea dhe Inesi, ndonëse të kapluar nga dhimbja për humbjen e djalit të tyre, ngulën këmbë që organet e trupit të pajetë të Henrit të dhuroheshin për të shpëtuar jetë të tjera njerëzish.

Ky gjest fisnik i familjarëve emigrantë shqiptarë e ka prekur shumë komunitetin e Bellunos. Për belunezët familja Rroqja është shembulli tipik i emigrantëve shqiptarë, që arrijnë të integrohen me sukses në shoqërinë italiane e të shndërrohen në një vlerë shtesë për komunitetin, ku ata banojnë.

Për durrsakët denbabaden kujtojmë se i ndjeri Henri është nipi i Dhori Rroqes kasapit veteran të qytetit tonë, që u shërbeu me korrektesë bashkëqytetarëve të vet që nga viti 1951 e derisa ndërroi jetë kohë më parë./GJERGJ THANASI

Për më shumë për jehonën në median italiane për largimin e parakoshëm nga jeta të Henri Rroqes muind të konsultohen linket: http://www.fanpage.it/belluno-piange-la-scomparsa-di-henry-19-anni-con-i-suoi-organi-aiutera-delle-persone/

http://corrierealpi.gelocal.it/belluno/cronaca/2017/05/24/neës/henry-muore-a-19-anni-l-eroe-del-catullo-1.15380766





Lajmet e fundit nga