web counter
LEXO PA REKLAMA!

SHKARKO APP

App Store
Google Play

Fregata franceze viziton Durrësin në kulmin e fushatës elektorale

25 Maj 2017, 09:11, Aktualitet CNA

Javën e parë të qershorit pra në kulmin e fushatës elektorale në Shqipëri një luftanije franceze do të zhvillojë një vizitë miqësore në Portin e Durrësit.

Anija i përket klasit ?Floreal? të fregatave të lehta, të cilat me ngarkesë të plotë shkojnë deri në 3 000 ton GRT. Ky klas fregatash është emërtuar sipas emrave të muajve të kalendarit francez të përdorur gjatë kohës së Revolucionit Francez të fundit të Shek. XVIII.

Fregata krahas armatimit si një top 100 mm, 2 topa 20 mm, raketa Excocete etj. ka në bord edhe një helikopter të klasit ?Panther?. Ky klas fregatash përgjithsisht ka një moshë 20-25 vjecare dhe tashmë ka nevojë t?I nënshtrohet një procesi të thellë modernizues.

Fregata pritet të niset nga Porti i Brestit në bregdetin e Oqeanit Atlantik , rreth datës 26-27 maj. Me mbërritjen në Durrës, fregata parashikohet të bregzohet në Kalatën Nr. 1 të Portit të Durrësit.

Për koincidencë vizita e kësaj fregate franceze në Durrës koincidon jo vetëm me kulmin e fushatës elektorale, por edhe me një rritje të kërcënimit të terrorizmit islamik për Shqipërinë. Gazetarë e studiues perëndimorë të specializuar në trajtimin e tematikës së terrorizmit kanë filluar të paralajmërojnë për goditje terroriste në Shqipëri.

Sipas tyre të tilla goditje priten të ndodhin gjatë Muajit të madhërueshëm të Ramazanit. Me të tilla veprime terroriste, kriminelët e Daesh-it shpresojnë, jo vetëm të godasin industrinë shqptare të turizmit, por edhe të nxjerrin nga shinat procesin elektoral. Ndër objektivat e tyre më të lakmueshme janë të huajt, që zhvillojnë veprimtari në Shqipëri sidomos diplomatë, ushtarakë,  policë etj. nga vendet aleatë tonët të NATO-s./GJERGJ THANASI





Lajmet e fundit nga