web counter
LEXO PA REKLAMA!

SHKARKO APP

App Store
Google Play

E fundit!

x

Këta janë kryetarët e degëve ku Basha mund të ketë përplasje

23 Maj 2017, 09:00, Aktualitet CNA

Partia Demokratike brenda 48 orëve pritet që të dorëzojë listën e kandidatëve për deputetë, duke mbyllur më në fund një kalvar të gjatë përplasjes dhe protestash që përfundoi në marrëveshjen Rama-Basha, e cila siguroi opozitën dhe i dha asaj garancitë e nevojshme për tu futur në zgjedhje.

Një nga pikat më problematike që do të përballet kryetari i Partisë Demokratike në përgatitjen e listës së deputetëve është pikërisht vendosja ose jo e kryetarëve të degëve në lista.

PD ka sot organizimin sipas njësive të qeverisjes vendore, pra ka 60 kryetarë plus kryetarët e Tiranës, të cilët janë 14 sipas ndarjes administrative.

Në llogari të thjeshtë do të rezultonte se gjysma e listës së PD do të ishte plotësuar, duke shtuar këtu sekretariatet e departamenteve gjithçka do të ishte e mbyllur, por nuk pritet që të ndodhë kështu, Basha mund të kandidojë vetëm disa nga kryetarët e partive në degët ku ai e ka më të madh presionin e tyre.

Në Gjirokastër, Roland Bejko në rast të moskandidimit mund t?i shkaktonte problem të madh Lulzim Bashës duke pasur parasysh influencën e tij në zonën e Lazaratit.

E njëjta situatë mund të paraqitet në Elbasan, kryetari i degës gëzon jo pak autoritet në bazë, megjithëse gjendja reale e PD në këtë degë nuk është shumë shpresëdhënëse.

Në Lushnjë, Myslim Murrizi është një faktor i padiskutueshëm, vite më parë ai ka kandiduar i vetëm duke siguruar rreth pesë mijë vota në një zonë të vetme elektorale të Lushnjes.

Paulin Marku në Lezhë është një tjetër faktor në rolin e kreut të degës, mjaft aktiv në drejtimin e saj.

Në Shkodër Ramiz Çobaj, ish deputet i Partisë Demokratike, njihet si mbështetës i Bashës, por dhe më përballje dhe përplasje me kryetaren e Bashkisë Voltana Ademi.

Në Korçë, kryetari i degës së PD, Andrea Marku, filllimisht i shfaqur si një person me vlera, aktualisht drejton një degë të shpartalluar, kokëçarës dhe konfliktual, PD sot në Korçë gjendet në kuotat më të ulëta historike, por sigurisht ngelet një nga emrat pretendues në listën që Basha do t?i paraqesë banorëve të qarkut të Korçës.

Në Tiranë një nga personazhet më të njohur dhe aktiv të degëve është Ndriçim Babasi kreu i degës nr 5, ish deputet i PD, drejtues në një nga zonat ku e majta është bastion historik.

Oerd Bylykbashi kreu i rekomanduar i PD në Durrës është i vetmi emër i sigurt si kryetar dege në listat e deputetëve, jo për faktin se është kryetar por për shkak të detyrës që mban.

Këta janë emrat që Lulzim Basha, disa prej tyre mund t?i vendosë në listat e deputetëve, në rast se do t?i përjashtonte sërish analiza sjell dy përfundime, në degët ku ata drejtojnë me reputacion moskandidimi mund t?i sillte kosto PD, por në disa degë si rasti i Korçës, PD do të përfitonte jo pak nga moskandidimi i kryetarit./CiityNews





Lajmet e fundit nga