web counter
LEXO PA REKLAMA!

SHKARKO APP

App Store
Google Play

E fundit!

x

Lulzim Basha nuk do të kandidojë kryetarët e degëve të PD?!

23 Maj 2017, 08:27, Aktualitet CNA

Partia Demokratike është duke u dhënë dorën e fundit listave të kandidatëve për deputetë. Disa nga emrat e publikuar janë kryesisht personazhe që Lulzim Basha i ka publikuar duke u dhënë detyra përkatëse në këtë proces final të përgatitjes së kandidatëve për deputetë.

Pak kohë më parë, kreu demokrat Lulzim Basha, përgatiti një udhëzim, i cili më pas u publikua për të ndalur kryetarët e degëve që të kandidonin si deputetë, qëllimi ishte që krerët e degëve të ktheheshin në adminstratorë dhe të punonin për organizimin, për t?ju shuar atyre edhe ambiciet për të qenë deputetë, apo kandidadë për kryetarë bashkie.

Në fakt rreth 3 vite më parë kur filloi procesi i organizimit të PD, të gjithë krerët e rinj të degëve hynë në lojë më ambicien për të garuar për Bashkinë apo për deputetë, në fakt këto shpresa u venitën në zgjedhjet lokale, kur Basha frenoi shumicën e tyre.

Por tashmë ?”oreksi” i shumicës së kryetarëve të degëve është i hapur dhe kërkojnë shpërblim për punën e bërë në 4 vite. Mendohet se Basha mund të përdorë, një formë diferencuese midis kryetarëve të degës, shumë prej besnikëve të tij mund të kandidojnë, ndonjë është i pashmangshëm, gjithçka pritet që të zbulohet në 48 orët e ardhshme, për të parë nëse Basha do të përdorë një apo dy standarde siç i pëlqen atij zakonisht./CityNews





Lajmet e fundit nga