web counter
LEXO PA REKLAMA!

SHKARKO APP

App Store
Google Play

E fundit!

x

Detaje nga grupi i PD/Kërkesa e Berishës që shtangu deputetët

22 Maj 2017, 18:55, Aktualitet CNA

Kreu i Partisë Demokratike, Lulzim Basha, zhvilloi sot një mbledhje me grupin parlamenar, ku bëri një përmbledhje të rezultatit të marrëveshjes politike të 18 majit. Basha foli në grupin e PD për ndryshimet në Kodin Penal, duke u ndalur kryesisht te pikat që kanë të bëjnë me garantimin e votës së lirë.

?Shitblerja e votës do të dënohet në mënyrë taksative nga 1 deri në 7 vite burg. Do të dënohet nga 1 deri në 7 vite burg marrësi dhe dhënësi i kartave të identitetit. Shpërdorimi i autoritetit policor për të influencuar në mbështetjen e një partie politike do jetë veper penale dhe të dënohet deri në 5 vjet burgim. Përdorimi i të mjeteve publike, veprimtarisë shtetërore apo i burimeve financiare ose njerëzore, për zgjedhje, do dënohet vetëm më burgim, nga 1 deri ne 4 vjet?, thuhej në një njoftim të PD në fund të mbledhjes.

CityNews mësoi se në mbledhjen e PD ka qenë ish-kryeministri Sali Berisha, i njohur si lideri historik i Partisë Demokratike, i cili ka ndërhyrë teksa Basha ka qenë duke njohur deputetët me ndryshimet.
Burime i thanë CityNews se Berisha ka pyetur Bashën nëse do të jetë në ligj dhe shit-blerja e deputetëve.

?Po shit-blerjen e deputetëve a e keni vendosur në ligj?!?, mësohet të ketë thënë Berisha gjatë mbledhjes.

Mesa duket lideri i PD është i shqetësuar për lëvizjet e deputetëve në momentet e fundit, duke i paraprirë kështu një dënimi të tyre./CityNews

 





Lajmet e fundit nga