web counter
LEXO PA REKLAMA!

SHKARKO APP

App Store
Google Play

 Asange mbyll hesapet me drejtësinë suedeze, por jo me atë amerikane

19 Maj 2017, 18:47, Aktualitet CNA

Sikurse kanë bërë të ditur mediat ndërkombëtare, prokurori i përgjithshëm i Suedisë ka vendosur të mbyllë sot dosjen e hetimeve, ndaj themeluesit të rrjetit ndërkombëtar  të Wikileaks, Julian Assange, për akuzën e përdhunimit të një shtetaseje suedeze. Prokurori Marianne Ny paraqiti një kërkesë në Gjykatën e Stokholmit për të revokuar mandatin e tij të arrestit ndaj Assange, duke i dhënë fund kështu arratisë shtatëvjeçare të njeriut që me publikimin e mijëra faqeve të konsideruara ?tepër sekret? nga shteti amerikan, tronditi shtatë vite më pare gjithë botën.

Ndërkohë që pas kësaj e shpalli Julian Assange person të kërkuar, që prej prej 5 vjetësh ai qëndronte i ngujuar në ambasadën e Ekuadorit në Londër, në përpjekje për të shmangur ekstradimin në Suedi, ku akuzohej për përdhunim.

Megjithatë edhe pse ditën e sotme Suedija ka lajmëruar qënien e tij të liruar nga akuza e përdhunimit falë një neni që përcakton afat brenda të cilit duhej të ishte kryer ekstardimi dhe përballja e tij me drejtësinë, Assange do të vijojë të ketë hesape me drejtësinë amerikane që e akuzon për rrjedhjen e mijëra dokumenteve sekrete ushtarake dhe diplomatike, prone e shtetit amerikan. /CityNews





Lajmet e fundit nga