web counter
LEXO PA REKLAMA!

SHKARKO APP

App Store
Google Play

Kandidat për kryeministër/ Kjo është pasuria e Ramush Haradinajt

17 Maj 2017, 16:45, Aktualitet CNA

I nominuari për Kryeministër nga koalicioni PDK-AAK-NISMA, dhe njëmbëdhjetë parti tjera më të vogla, Ramush Haradinaj, thotë se gjithë pasurinë e tij e ka bërë pas vitit 2000.

Në raportim të profilit të tij financiar, kallxo thotë se në vitin 2014 Ramush Haradinaj ka deklaruar shtëpi e toka të cilat i ka vlerësuar me 670 mijë euro. Por në deklarimin e tij të pasurisë për vitin 2015 Haradinaj kishte ndryshuar shumë pak krahasuar me deklarimin që e kishte bërë në vitin 2014. Dhe më tej:

Në vitin 2009 Haradinaj kishte blerë 200 hektarë tokë kodrinore nga privatizimi që e kishte bërë Agjencia Kosovare e Privatizimit. Për 200 hektarë tokë, Haradinaj kishte paguar vetëm 75 mijë euro apo 3 euro e 75 cent për një ari.

Po ashtu Haradinaj ka deklaruar edhe 3 vetura dhe një motoçikletë të cilat i ka vlerësuar me 68,000 euro.

Në llogarinë e tij ai ka 13 mijë, të cilat nuk i kanë ndërruar në dy vite të deklarimit.

Të hyra vjetore të tij nga paga si deputet dhe pensioni invalidor ka 20,556 euro dhe afër 8 mijë të bashkëshortes.

I vetmi ndryshim në deklarimin e pasurisë është se në vitin 2014, Haradinaj kishte afër 3 mijë euro më shumë të hyra vjetore, ose 23 mijë e 100. ./ CityNews





Lajmet e fundit nga