web counter
LEXO PA REKLAMA!

SHKARKO APP

App Store
Google Play

E fundit!

x

Basha pranon ofertën amerikane/Ngelet vetëm data

15 Maj 2017, 20:24, Aktualitet CNA

Kreu i demokratëve, Lulzim Basha, duket se më në fund do të dalë nga çadra rreth 3 mujore, e ngujuar para Kryeministrisë. Burime i thanë CityNews se Lulzim Basha ka pranuar ofertën e zëvendës ndihmës sekretarit amerikan të shtetit, Hoyt Brian Yee, i cili ka zhvilluar sot negociata me liderët e politikës shqiptare, për t?i dhënë fund krizës politike.

Zyrtari i lartë i DASH riktheu dhe njëherë në tavolinë paketën e eurodeputetit David McAllister, i cili i ofronte një sërë kompetencash opozitës. Paketa e McAllister, e cila ofronte 4 ministra teknikë, u refuzua më parë nga kryedemokrati Basha me pretendimin se kryeministri Edi Rama do t?i blinte këto ministra.

Por, kjo paketë e ofruar për herë të dytë, tashmë nga amerikanët, duket se është pranuar nga kreu i opozitës. Po këto burime i thanë CityNews se tani gjithçka është në dorë të kryeministrit Edi Rama, nga i cili pritet të vendoset data e re e zgjedhjeve parlamentare, pasi nuk do të jetë ajo e 18 qershorit.

Ndërkohë, pritet dhe një takim final mes palëve, kryeministrit Edi Rama dhe kryedemokrati Lulzim Basha, për të mbyllur marrëveshjen, garant të së cilës do të jenë ndërkombëtarët. Pra, gjithçka do të jetë nën vëzhgimin e Uashingtonit, Brukselit dhe Berlinit./CityNews





Lajmet e fundit nga