web counter
LEXO PA REKLAMA!

SHKARKO APP

App Store
Google Play

Kriza politike/Johanes Hahn u dërgon letër shqiptarëve, ja çfarë thotë për liderët

11 Maj 2017, 14:31, Aktualitet CNA

Eurokomisioneri, Johanes Hahn u ka dërguar letër shqiptarëve ditën e sotme. Në letrën e tij zyrtare Johanes Hahn ka folur për krizën politike në vend, përpjekjet e tij dhe të ndërkombëtarëve për ta zgjidhur dhe pranimin që i bën kësaj situate në të cilën ndodhet sot Shqipëria.

Ndër të tjera Hahn thotë ndjen keqardhje që opozita  kryesore nuk merr pjesë në zgjedhjet e 18 qershorit, por kjo është zgjedhja e saj dhe zgjedhjet do të njihen dhe do të monitorohen nga vëzhgues të ODHIR.

?Të dashur shqiptarë, të dashur miq është po ju drejtohem juve sot me një shqetësim të madh. Prej disa kohësh ne jemi përpjekur që partitë politike të dialogojnë. Me kujdes kemi dëgjuar kërkesat e të gjitha palëve, ndërsa përpiqeshim të gjenim një zgjidhje për këtë krizë politike. Janë ofruar shumë opsione në mënyrë që partitë dhe liderët të marrin përgjegjësitë e tyre dhe të gjejnë një zgjidhje. Fatkeqësisht kjo nuk ndodhi. Pra sot, jemi në një situatë ku zgjedhjet elektorale të 18 qershorit do të zhvillohen pa pjesëmarrjen e partive kryesore politike. Është zgjedhja e këtyre partive që mos regjistrohen në zgjedhje. Unë e respektoj, por në të njëjtën kohë nga pikëpamja demokratike e shoh me keqardhje këtë vendim. Megjithatë procesi demokratik mund të vazhdojë megjithëse disa vendosin të mos marrin pjesë?, thuhet ndër të tjera në letrën që Hohanes Hahn u ka dërguar qytetarëve shqiptarë./CityNews





Lajmet e fundit nga