web counter
LEXO PA REKLAMA!

SHKARKO APP

App Store
Google Play

E fundit!

x

Ish-ministri i LSI shpërthen ndaj Ramës/Turp e faqja e zezë! Për një karrige dreqi e mori!

7 Maj 2017, 19:56, Aktualitet CNA

Ish-ministri i Drejtësisë, Ylli Manjani, ka vijuar me kritikat e tij të ashpra ndaj qeverisë për krizën e thellë politike të krijuar në vend.

Manjani tha gjatë një interviste televizive se nuk ka Kushtetutë në botë që lejon zhvillimin e zgjedhjeve jo të lira. Sipas tij, nuk ka zgjedhje pa opozitën dhe se shkaku i kësaj krize është arroganca qeveritare.

?Për fat të keq nuk po mësojmë nga gabimet e së shkuarës. Nuk ka zgjedhje pa opozitën. Arrogance është shkaku i kësaj krize. Dashuriçkat e PD-PS në kurriz të Kushtetutës kanë këtë pasojë. Nuk ka Kushtetutë në botë që lejon zgjedhje jo të lira. Diplomatët janë thjesht rrogtarë. Përpiqen të shesin punën e tyre në vendet ku janë. Në kuptimin e dhënies së mendve se si është demokracia nuk ka lidhje, nuk bëjnë mirë që pozicionohen. Unë nuk ndërhyj në punën e ambasadorëve, por është detyrë e shtetit që të garantojë zgjedhje të lira. Turp e faqja e zezë që në vitin 2017 diskutojmë për zgjedhje të lira?, tha Manjani.

Më tej, ai foli për mundësinë se si mund të zgjidhet kriza. Manjani tha se duhet një zgjidhje politike dhe me përgjegjshmëri.

?Padiskutim që ka zgjidhje kjo krizë. Duhet zgjidhje politike, që nuk vjen në televizion. Duhet zgjidhje me përgjegjshmëri, të ulen në një tryezë serioze dhe të mos ngrihen pa gjetur zgjidhje. Në thelb vendi ka nevojë për zgjidhje politike. Mund të ketë zgjidhje dhe më të buta dreqi e mori. Si është e mundur që për një karrige të shkojë vendi në përplasje??, shtoi ish-ministri./CityNews





Lajmet e fundit nga