E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Në orët e mbrëmjes së djeshme dhe në orët e para të mëngje...

Basha jep sinjalet e para/A do ndodhë mrekullia?!

7 Maj 2017, 19:01, Aktualitet CNA

Kreu i Partisë Demokratike, Lulzim Basha, mblodhi këtë pasdite grupin parlamentar të partisë së tij, ku ndau detyrat mbi protestën e 13 majit në Tiranë, e cila është paralajmëruar të jetë protesta më e madhe që ka njohur Shqipëria. Në fund të mbledhjes, Basha foli para selisë blu për atë që pritet të ndodhë më 13 maj, por edhe për zgjedhjet e 18 qershorit. Partitë opozitare, të udhëhequra nga Lulzim Basha, nuk janë regjistruar në zgjedhjet parlamentare të 18 qershorit, pasi kërkojnë qeveri teknike, që do të siguronte zgjedhje të lira dhe të ndershme. Deri më sot, kushti i vetëm i Bashës për t? i dhënë fund protestës në çadër dhe për të marrë pjesë në zgjedhje ishte qeveria teknike. Por, sot pas mbledhjes së grupit Basha nuk u dëgjua të fliste në asnjë cast për qeveri teknike dhe as për mospjesëmarrje të opozitës në zgjedhje.

Sot është afati i fundit i regjistrimit të Partisë Demokratike në zgjedhje dhe kryedemokrati Lulzim Basha tha se PD nuk do të marrë vendim për bojkot të zgjedhjeve. Madje, kreu i demokratëve shtoi se e gjitha kjo betejë bëhet për të marrë pjesë në zgjedhje, me kushtin që këto të fundit të mos zhvillohen më 18 qershor.

?Prej ditës së parë ne jemi të hapur për dialog politik, por të pranohen të vërtetat e krimit dhe drogës nga të gjitha palët. Nëse qeveria nuk e pranon, premisat për dialog janë zero. Dua të sqaroj për herë të 12 që PD kurrë nuk do të marrë vendim për bojkot të zgjedhjeve. E gjitha kjo betejë bëhet për të marrë pjesë në zgjedhje. Ato që do organizohen në 18 qershor nuk do jenë zgjedhje, do jenë votime të një sistemi monist. Në 18 qershor votime moniste me krimin dhe drogën nuk do të ketë. Nuk ka mospjesëmarrje në zgjedhje nga ana e opozitës, por nuk do të lejojmë zgjedhje me krimin dhe drogën?, tha Basha.

E gjitha kjo na paraqet një qëndrim të ri të Lulzim Bashës, i cili duket sikur po jep sinjalet e para të pjesëmarrjes së opozitës në zgjedhje. Kushti i Bashës tashmë është shtyrja e zgjedhjeve. Ai shpreh sërish gatishmërinë për dialog politik, duke kërkuar që kryeministri Edi Rama dhe të gjitha partitë mazhoritare të pranojnë të vërtetat mbi krimin dhe drogën. Mbase ky është një kusht më i lehtë për t?u pranuar nga Rama, i cili është i gatshëm për gjithçka vetëm të mos lëshojë karrigen kryeministrore. Vetë ky i fundit tha pak më parë në komunikimin javor se besonte që sonte të ndodhte mrekullia dhe PD të regjistrohej në zgjedhje. Zhvillime të reja pritet të ndodhin në vazhdim, të shohim nëse më në fund palët do të bëjnë lëshime dhe do pranojnë kushtet e njëri-tjetrit për të shkuar të gjithë në zgjedhje./CityNews