web counter
LEXO PA REKLAMA!

SHKARKO APP

App Store
Google Play

E fundit!

x

Koço Kokëdhima, PD-PS dhe LSI-ja e Ilir Metës

6 Maj 2017, 21:00, Aktualitet CNA

 

Gjatë fjalës së mbajtur para pjesëmarrësve, në takimin e të shtunës në Pogradec, kryesuesi i partisë më të re ?Zgjidhja?, ka qenë i pamëshirshëm në kritikat ndaj dy partive të mëdha PS-PD të drejtuara aktualisht nga Rama e Basha, ndërkohë që në asnjë rresht të fjalës së tij nuk e ka përmendur Ilir Metën dhe partinë e tij LSI, që rezulton të jenë të vetmit përfitues si kur kanë qenë në bashkëqeverisje, por edhe si opozitë për periudha të shkurtëra mujore.

Madje, ndonëse Ilir Meta dhe segmente të pushtetit të poseduar nga zyrtarë të lartë të partisë së tij janë të vetmit e denoncuar si të përfshirë në afera e pazare antiligjore, Kokëdhima, nuk i ka përmendur as në takimin e një jave më parë në Korçë, por as edhe kur ka qenë pjesë emisionesh politike ku ka shpalosur optikën e tij vlerësuese rreth përgjegjësive të klasës politike.

?PD dhe PS janë bashkëpërgjegjëse për këtë krizë të rëndë që po përjeton Shqipëria… Këta politikanë dhe qeverisjet e tyre janë cinikë, të pashpirt e mizorë. Ata jo vetëm që nuk mendojnë për popullin tonë të shumëvuajtur dhe për nevojat e qytetarëve të thjeshtë, për njerëzit që e nxjerrin bukën dhe jetën e tyre me djersën e ballit, por mendojnë se sa më i mjerë e i këputur të jetë ky popull, sa më i shkelur e i varfër, sa më i përbuzur e i nëpërkëmbur; sa më i harruar e i nënvleftësuar të jetë qytetari shqiptar, aq më i sigurtë dhe më i gjatë është sundimi i tyre??, ka thenë Kokëdhima, duke i futur tmerrin të pranishmën me frazën:? Kriza që ka filluar të shfaqet është vetëm maja e ajsbergut?.?./ CityNews





Lajmet e fundit nga