web counter
LEXO PA REKLAMA!

SHKARKO APP

App Store
Google Play

Akuza e Kokëdhimës/ Kryetarët e partive të mëdha, pushtet dhe para

6 Maj 2017, 20:15, Aktualitet CNA

Ashtu si në takimin e një jave më parë në Korçë, ku shpalli publikisht zyrtarizimin e partisë së tij ?Zgjidhja?, edhe në takimin e të shtunës në Pogradec kryetari themelues i saj, Koço Kokëdhima, e kishte ngritur fjalimin programatik mbi adresimin e kritikave të ashpra ndaj lidershipit të vendit, të cilin e etiketoi si përgjegjës për situatën ?shumë të ndërlikuar?, që po përjeton vendi në prag të përgatitjes së zgjedhjeve të 18 qershorit, të cilat, sipas Kokëdhimës: ??Nuk do jenë as të lira, as të ndershme, as gjithë përfshirëse dhe as paqësore?.

Kjo pasi, sikurse ai është shprehur përpara auditorit pjesëmarrës: ?Në vend të demokracisë kushtetuese këtu sundon regjimi i partitokracisë, një konjukturë dhe oligopol i kryetarëve të partive të mëdha që ka kriminalizuar deri në palcë çdo qelizë të shtetit dhe të shoqërisë shqiptare?, ka konstatuar kryesuesi i ?Zgjidhjes?. Që më tej ka vijuar të shpreh vlerësimin e tij, sipas të cilit: ?Regjimi i partitokracisë, i përdor të gjitha burimet financiare, natyrore, materiale dhe njerëzore të shtetit dhe të pushtetit për të bërë para dhe pushtet për kryetarët e partive dhe klikat e tyre. Paratë këta i përdorin për të shtuar e kontrolluar pushtetin dhe për të bërë vota. Votat i përkthejnë në pushtet. Dhe pushtetin e përdorin për të bërë para me tendera, koncensione, shitje vendesh pune, shërbimesh e të drejtash publike dhe përmes trafikimit dhe tradhëtimit të interesave shtetërore. Ka shumë ngjashmëri në veprimtarinë politike të kryetarëve dhe partive politike shqiptare të këtyre 25 viteve. Të gjithë kryetarët e partive dhe klikat e tyre kanë ndjekur të njëjtin parim: Qëllimi i vetëm i kryetarëve dhe klikave të tyre në ushtrimin e pushtetit është rritja e pushtetit dhe parave të tyre?.?./CityNews





Lajmet e fundit nga