web counter
LEXO PA REKLAMA!

SHKARKO APP

App Store
Google Play

Kosovë/ Projektligji i “trazirave” të hënën në Kuvend

5 Maj 2017, 19:35, Aktualitet CNA

Marrëveshja e njohur si e ?demarkacionit?, që muaj më parë ka shkaktuar përplasje të ashpra midis deputetëve të forcave politike kosovare, pritet që të hënën të rikthehet sërish në Parlament.

Lajmin e konfirmojnë mediat e Kosovës, së bashku me sqarimin se vendimi ka ardhur pasi kryeministri i Kosovës, Isa Mustafa, zhvilloi një bisedë telefonike me zëvendësndihmës sekretarin amerikan të shtetit të SHBA-ve, Hoyt Yee, ku u bisedua për zhvillimet e fundit në Kosovë.

Gjatë bisedës, shkruan Zeri, veçmas u diskutua për nevojën që të procedohet pa vonesë në Kuvend Projektligji për ratifikimin e marrëveshje për demarkimin e kufirit me Malin e Zi, si një prej marrëveshjeve më të rëndësishme për vendin.

Mustafa dhe zëvendës ndihmës sekretari amerikan i shtetit, Hoyt Yee u pajtuan që të hënën Qeveria t?ia procedojë Kuvendit të Republikës së Kosovës Projektligjin për ratifikimin e marrëveshjes për shënjimin e vijës kufitare ndërmjet Kosovës dhe Malit të Zi.

Si rrjedhim, Qeveria e Kosovës do të mblidhet të hënën dhe ky projektligj do të përcillet në Kuvendin e Kosovës.

Zëvendësndihmës sekretari amerikan i shtetit, Hoyt Yee, e konsideroi vendim të duhur adresimin e kësaj çështje të rëndësishme për Kosovën dhe qytetarët e saj, duke shprehur bindjen se kjo marrëveshje do të votohet nga të gjithë deputetët e Kuvendit.

Ajo që pritet të shihet është pritja që do ti bëj projektligjit VetVendosja, e cila dhjetë muaj më pare, nëpërmjet deputetes Donika Kadaj-Bujupi i kërkoi  qeverisë që mos të provokonte duke e sjell para deputetëve të Kuvendit ratifikimin e marrëveshjes për demarkacion me Malin e Zi, pa e shqyrtuar./ CityNews





Lajmet e fundit nga