web counter
LEXO PA REKLAMA!

SHKARKO APP

App Store
Google Play

E fundit!

x

Koreja komuniste paralajmëron Kinën për pasoja të renda

4 Maj 2017, 20:25, Aktualitet CNA

Pasi më parë adresoi fraza kërcënimi ndaj Shteteve të Bashkuara të Amerikës, Koreja komuniste e Veriut ka paralajmëruar edhe aleaten e saj ideologjike, Kinën për ?pasoja të rënda? në qoftë se ajo do të bllokojë marrëdhëniet midis dy vendeve.

Kina është aleati kryesor i Koresë së Veriut, njëkohësisht një nga fuqitë e mëdha të botës ndaj dhe kërcënimi i Koresë tingëllon disi i çuditshëm. Megjithatë pavarësisht retorikës së vendit komunist, Pekini zyrtar ka deklaruar se do të ruaj marrëdhëniet miqësore me fqinjin e saj.

Agjencia shtetërore e lajmeve të Koresë së Veriut, KCNA i konsideroi si ?një varf fjalësh absurde dhe të pakujdesshme? të mediave kineze rreth ambicies së Phenianin për programin bërthamor.

?DPRK (Koreja e Veriut) nuk do të kërkojë kurrë mirëmbajtjen e miqësisë me Kinën, duke rrezikuar programin e tij bërthamor që është aq i çmuar sa jeta e tij, pavarësisht sa e vlefshme është miqësia?, tha agjencia. Përgjigja erdhi për dy gazeta të mëdha në Kinë kërkuan sanksione më të ashpra mbi programin bërthamor të Koresë së Veriut.

KCNA tha se thirrjet ndaj Phenianit për të shpërbërë programin bërthamor ishin ?shkelje të të drejtave legjitime, dinjitetin dhe interesave supreme të Koresë së Veriut? dhe se përbëjnë një ?kërcënim të padiskutueshëm për një vend fqinj të ndershëm me një histori të gjatë e traditë miqësie?.

Të përditshme kineze u përgjigjën të enjten, duke e akuzuar Korenë e Veriut ?për logjikë irracionale në programin e saj bërthamor?./CityNews





Lajmet e fundit nga