web counter
LEXO PA REKLAMA!

SHKARKO APP

App Store
Google Play

Skenaret që futën PD-në në zgjedhje

2 Maj 2017, 11:50, Aktualitet CNA

Partia Demokratike pritet më në fund të tërhiqet nga protesta e saj historike mbi 70-ditore. Presioni i fortë i ndërkombëtarëve duket se po zmbraps PD dhe Lulzim Bashën, për t?i dhënë fund bojkotit parlamentar. CityNews mësoi se ndërkombëtrët po negociojnë fort me Partinë Demokratike, që kjo e fundit të hyjë në zgjedhje. CityNews zbulon dhe skenarët se si Koalicioni Opozitar do të futet në zgjedhje pas qëndresës disa mujore.

Së pari, pritet që data e zgjedhjeve të shtyhet, pra shqiptarët nuk do iu drejtohen kutive të votimit më 18 qershor, siç ishte vendosur, por me shumë gjasa nga fundi i muajit korrik. Burime i thanë CityNews se Lulzim Basha mund të pranojë shtyrjen e zgjedhjeve, ndërkohë, pritet të rivendosen afatet zgjedhore, ku besohet se zgjedhjet do të shtyhen më shumë se një muaj, pra në fund të korrikut.

Ajo që po diskutohet është nëse zgjedhjet do të zhvillohen me apo pa Edi Ramën kryeministër, i cili i ka qëndruar ofertës së dhënë për opozitën në takimin e fundit me eurodeputetin McAllister.

Zhvillime të ethshme priten ditën në vijim, ku tashmë me shumë gjasa nuk do kemi zgjedhje më 18 qershor, pasi ato do të shtyhen, dhe as zgjedhje pa opozitën. Kjo e fundit ka pranuar kërkesën të hyjë në zgjedhje, pas shtyrjes së datës./CityNews





Lajmet e fundit nga