web counter
LEXO PA REKLAMA!

SHKARKO APP

App Store
Google Play

E fundit!

x

Pse nuk kandidoi Bamir Topi?!

1 Maj 2017, 08:50, Aktualitet CNA

Fryma e Re Demokratike është regjistruar në zgjedhjet parlamentare të 18 qershorit. Një ditë më parë, u publikua dhe lista e kandidatëve për deputetë të FRD në qarqet e vendit, që ishte dhe lista më surprizuese në këto zgjedhje.

Ndonëse në shumë lista pati surpriza me lëvizje emrash, Bamir Topi i befasoi të gjithë me mos kandidimin e tij, duke vënë të parin në Tiranë Gazmend Oketën. Lista e FRD u publikua në të gjitha mediat, por asnjëra prej tyre nuk dha faktin e këtij largimi të beftë të Bamir Topit nga kandidimi si deputet prej partisë që themeloi vetë.

Bamir Topi e ka për detyrë të flasë dhe të tregojë arsyet e kësaj tërheqjeje, nëse është për arsye politike apo thjesht personale të ish-Presidentit të Republikës.

Në fakt, ndoshta ka ardhur koha që Bamir Topi të flasë pak, për herë të parë, për jetën e tij në Itali. Shuma akuza janë hedhur ndaj tij gjatë kohës që ushtronte detyrën e Kreut të Shtetit. Topi është cilësuar si njeriu që shkatërroi sistemin e drejtësisë në vend. Në atë kohë, flitej madje dhe për skandale personale të Bamir Topit. Tërheqja e tij e papritur ngre dyshime të forta mbi akuzat e hedhur ndaj Topit, mos ndoshta ai është aktori kryesor i kësaj drejtësie që kemi.

CityNews hedh natyrshëm pyetjen: Çfarë e ka trembur Bamir Topin që tani po tërhiqet? Mos ndoshta ky është vendim që paralajmëron histori dhe fakte, që nëse bëhen publike do të trondisin opinionin publik?

Partia Demokratike dhe Sali Berisha shpesh kanë treguar se nuk i kursejnë disa të vërteta, të presim dhe të shohim se si do ta justifikojë Topi këtë tërheqje dhe çfarë e vërtete fshihet pas saj./CityNews





Lajmet e fundit nga