E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Përse i duhet PD-së afati i regjistrimit kur nuk hyn në zgjedhje

29 Prill 2017, 11:24, Aktualitet CNA

Sot në mëngjes, Oerd Bylykbashi ka folur përpara KQZ, duke theksuar se afati i regjistrimin të kandidatëve për deputetë ka përfunduar mbrëmë në orën 00:00.

Sipas Bylykbashit, më datën 28 prill në mesnatë ka skaduar afati dhe pas kësaj date askush nuk mund të regjistrohet në lista. Ai tha se data e dekretuar është 18 qershor dhe dita e 50-t para kësaj date është 28 prill, ora 00:00, sot në mëngjes.

Pra, duke gjetur një lojë oraresh apo ditësh, Bylykbashi pretendon se afati i regjistrimin të kandidatëve për deputetë për Parlamentin e Shqipërisë ka përfunduar përfundimisht.

I kontaktuar nga CityNews, ai theksoi se numërimi i afateve fillon mbrapsht, prandaj dhe qëndrimin i tij është i drejtë. Ai e përjashton ditën e sotme si afat regjistrimi.

Në rast se bëjmë një aritmetik të thjeshtë duke mbledhur ditët në vijim, pra 17 ditë të qershorit, 31 ditë të majit, ditët e nesërme dhe të sotme të prillit, na del se sot jemi në ditën e 50. Por, Oerd Bylykbashi pretendon se kjo ditë po konsumohet, pasi gjithçka numërohet mbrapsht dhe afati i mbylljes ka qenë mbrëmë ora 00:00.

Dy ish-krerë të KQZ, Çlirim Gjata dhe Kristaq Kume, kanë dy qëndrime të kundërta. Gjata thotë ka përfunduar mbrëmë, por ky nuk duket të jetë një gabim shumë i madh, pasi është interpretim oraresh. Ndërkohë, Kume thekson se afati përfundon sot në mesnatë. Këto janë tre qëndrimet e deritanishme.
CityNews kontaktoi edhe me përfaqësues të PS në KQZ, të cilët thanë se sot është dita e 50 dhe ajo përfundon në mesnatë. Pra jemi brenda të gjitha afateve ligjore.

Ashtu siç dhe duket palët politike kanë qëndrime të kundërta, por edhe krerët e institucioneve janë shumë pak larg njëri-tjetrit dhe gjithçka bën fjalë për regjistrimin e kandidatëve për deputetë për pjesëmarrjen në zgjedhjet e 18 qershorit.

Po pse gjithë ky debat? Përse ju duhet demokratëve ora, data, regjistrimi apo çregjistrimi?
Lulzim Basha ka theksuar se nuk merr pjesë në zgjedhjet e 18 qershorit. PD nuk do jetë garuese në zgjedhjet e 18 qershorit. Cila është rëndësia e orareve?

Është njëlloj si një ekip futbolli, i cili nuk do të shkojë të paraqitet në kampionatin e radhës dhe e ka deklaruar këtë publikisht. Pra nuk do të jetë pjesë e kampionatit, pasi është tërhequr dhe do jenë të tjera palë që do ndeshen me njëra-tjetrën dhe ky ekip i tërhequr tani grindet dhe kërkon llogari se kur do ndeshen kundërshtarët dhe shqetësohet për oraret e tyre.

Në rast se PD do të hyjë në zgjedhje kjo është një çështje tjetër, por kur PD nuk do hyjë hiç në zgjedhje, përse grinden kot, kur përballjen politike dhe përplasjen e kanë të tjerët. Ajo ka thënë që zgjedhje nuk do të ketë, të presim dhe të shohim si do ta realizojë skenarin e saj, por jo të na tregojë barcaleta./CityNews