E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ilir Meta, presidenti që nuk na duhet

29 Prill 2017, 09:42, Aktualitet CNA

Me 87 vota ?pro? dhe falë një vendimi politik, Ilir Meta, u konfirmuar si presidenti i ri i Republikës, ndonëse asnjëherë nuk e ka pranuar se e synonte presidencën. Mirëpo a e meriton Ilir Meta të jetë simboli i unitetit dhe bashkimit kombëtar?

Parë nën optikën e standartit që kanë homologët e Metës, që drejtojnë shtete e konsoliduara të BE-së, duhet thenë se shqiptarët nuk meritonin Ilir Metën, por një ?President të aftë që të kryente me përgjegjësi të lartë detyrën, por edhe të ishte simboli moral i shoqërisë.

A është Ilir Meta i tillë? Absolutisht jo. E tregon këtë ajo ç?ka ai ka mbjellë gjatë viteve të ikura të karrierës së tij. Ku ,ndërsa lakohet si student socialist dhjetorist, Ilir Meta mbahet mend më shumë si intrigant, ngatërrestar, i pabesë dhe i etur për pasuri të pamerituara etj.

Ja një tablo e shkurtër e karrierës së tij: Në 1999 tradhëtoi Pandeli Majkon dhe, pas një pazari me ish kryetarin e PS-së Fatos Nano, u zgjodh kryeministër. Në 2001, kur ishte Kryeministër, iu vodh thesari i shtetit i ndodhur në tunelet e Krrabës dhe për këtë arsye Ilir Meta nisi të thirret ?Like Floriri?.

Po gjatë qënies Kryeministër,në viti 2001, realizoi zgjedhjet më të korruptuara në historinë shqiptare, ndërsa në 2003 për keqqeverisje Ilir Meta u largua nga kryeministër, ndërkohë që Fatos Nano, e akuzoi si njeriu më të koruptuar të politikës shqiptare. Në vitin 2005 falë intrigave dhe pabesisë u shkaktoi humbje socialistëve në 16 zona elektorale,duke nxjerrë 16 kandidatë të pavarur.

Në vitin 2009 i la socialistët në opozitë nga që u bashkua me Sali Berishën në bashkëqeverisje dhe në dhjetor 2010 u filmua me bllok në dorë, ndërsa merrte 700 mijë euro.

Në 2011 socialistët u ngritën në protest pikërisht për bllokun e tij, ndërkohë që 4 prej tyre u vranë në mes të bulevardit. Në 2013, tre muaj para mbajtjes së zgjedhjeve të përgjithëshme, Ilir Meta e braktisi Sali Berishën dhe u bashkua me Edi Ramën për të cilin kishte artikuluar fyerjet e sharrjet më të ndyra që përmban fjalori shqiptar, dhe, në vitin 2014, u akuzua nga Tom Doshi si organizator i një komploti që synonte vrasjen e këtij të fundit. Në vitin 2015 del i përfshirë në dosjen e aferës CEZ-DIA. Midis fakteve të publikuara nga media ishte edhe një sms që vërtetonte se Meta i kërkonte Kastriot Ismailajt 300 mijë euro finacime për fushatën elektorale./ CityNews