web counter
LEXO PA REKLAMA!

SHKARKO APP

App Store
Google Play

E fundit!

x

Kryeministri në pritje Zoran Zaev refuzon ftesën e presidentit Ivanov

28 Prill 2017, 17:37, Aktualitet CNA

Një ditë pas dhunës në Parlamentin e Maqedonisë, ku u plagos edhe vetë, kandidati për kryeministër i Maqedonisë, Zoran Zaev, tha se ngjarja e mbrëmshme ishte një tentativë për vrasjen e tij.

?Ajo që ndodhi mbrëmë ishte tentim për vrasje, kishit rastin ta shihni edhe vetë. Ishte një veprim i koordinuar edhe nga forcat policore?, tha Zaev, duke vijuar:

?Kemi bërë një hap të madh në proceset demokratike sipas shumicës parlamentare, kemi bërë hapin e parë me zgjedhjen e kreut të Kuvendit dhe do të vazhdojmë me formimin e institucioneve të tjera. Uroj Xhaferin dhe përkujtoj se e mbështesim atë fort?.

Duke komentuar dhunën e mbrëmshme, Zaev, i cituar nga ?Alsat­M?, ka komentuar se një pjesë e dhunuesve ishin pjesëtarë të policisë ndërsa disa të tjerë i cilësoi si banditë që kishin për qëllim likuidimin e tij.

Lidhur me ftesë që i ka adresuar partive politike presidenti i vendit Ivanov, Zaev tha se nuk do t?i përgjigjet ftesës së Ivanovit, duke e cilësuar atë si përgjegjës për atë që ndodhi mbrëmjen e të enjtes brenda dhe jashtë Kuvendit.

Ndërkohë, më herët, edhe partitë shqiptare kanë refuzuar ftesën e Presidentit Ivanov për takim me krerët e partive politike në përpjekje për të zgjidhur krizën. Ali Ahmeti tha se Ivanov është përgjegjës për gjendjen e sotme të Maqedonisë./CityNews





Lajmet e fundit nga