web counter
LEXO PA REKLAMA!

SHKARKO APP

App Store
Google Play

E fundit!

x

Thellohet skandali në Apel, edhe Fatri Islamaj në gjyqin e “Top Channel”

27 Prill 2017, 19:09, Aktualitet CNA

Nëse do të kuotohej në skedinat e Basteve, Gjykata e Apelit Tiranë do ishte basti më i lehtë për t?u fituar, edhe pse me kosto të madhe. Aty luhet me jetën, me biznesin, me pronën, me djersën dhe gjakun e njerëzve të ndershëm.

Përtej ?shakasë? se bastit në Gjykatën e Apelit Tiranë është duke ndodhur një skandal i paprecedentë me një çështje të rëndësishme, siç është pronësia e televizionit me të madh në vend ?Top Channel?. Citynews.al  e kishte paralajmëruar prej kohësh, këtë skandal, duke përmendur edhe gjyqtarët që do zgjidheshin në trupin gjykues, çka në fakt rezultoi e vërtetë.

Pas zgjedhjes së Hysni Demirajt në trupën gjyqësore, edhe gjyqtari tjetër u përzgjodh me short në një tjetër trupë që lidhet me këtë çështje. Bëhet fjalë për ish-kryetarin e Gjykatës së Tiranës, Fatri Islamaj, i transferuar së fundmi në Apel, i cili do të shqyrtojë kërkesën për përjashtimin e Demirajt.

Sapo palët u njohën me emrin e Hysni Demirajt, i cili me ?short? u përzgodh si zëvendësues i gjyqtares së larguar, avokatët kundërshtuan praninë e tij duke kërkuar përjashtimin. Pas një debati të shkurtër në sallën e gjyqit, avokatët depozituan zyrtarisht kërkesën për përjashtimin e Demirajt.

Kjo kërkesë pritet të shqyrtohet ditën e nesërmen nga një trupë gjyqësore e zgjedhur po më ?short?, pjesë e së cilit është edhe gjyqtari Fatri Islamaj.

Në dy shkrime të publikuara më parë, Citinews.al denoncoi skandalin me manipulimin e shortit në Gjykatën e Apelit. Fillimisht u paralajmërua pjesëmarrja në gjyq e kryetarit të Gjykatës Hysni Demiraj, i cili përflitej në korridoret e Top Channel si gjyqtari që do të zëvendësonte znj.Sollaku. Bashkë me të u lakua edhe emri i gjyqtarit Islamaj, që gjithashtu u përzgjodh nga shorti për të shqyrtuar kërkesën e përjashtimit të Demirajt.

Pas këtij skandali të pandodhur më parë, vendimmarrja e dy gjyqtarëve do mbetet e dyshimtë dhe e kontestuar për të vetmin fakt se emrat e tyre janë përfolur përpara hedhjes së shortit. Edhe pse të akuzuar nga mediat pranë qeverisë si gjyqtarë me bindje të djathta, kryeministri Edi Rama, që flet minimalisht një orë në ditë për çështjen e Vettingut, ende nuk ka bërë asnjë deklaratë për këtë skandal. Ndoshta në këtë rast Kryeministrit nuk i intereson Vettingu dhe as deklaratat publike, pasi siç duket e ndjen veten të lumtur pas çdo edicioni lajmesh në Top Channel. A jeni dakord për vettingun e të gjithë gjyqtarëve z.Kryeminisër? Apo përgjigjen për këtë pyetje duhet të presim nga Sekretari juaj i Përgjithshëm, z. Ëngjëll Agaçi?/CityNews





Lajmet e fundit nga