web counter
LEXO PA REKLAMA!

SHKARKO APP

App Store
Google Play

E fundit!

x

Anglezët bëhen pishman/ Për herë të parë një shumicë kundër Brexit

27 Prill 2017, 17:54, Aktualitet CNA

Për herë të parë një shumicë britanikësh shpreh keqardhjen për vendimin për t’u larguar nga Bashkimi Evropian. Kjo rezultoi nga një sondazh e institutit demoskopik Yougov, të botuar në gazetën britanike ?The Times?. Gazeta gjermane ?Die Zeit? që e citon këtë sondazh, shkruan në numrin e sotëm online se 45% e personave të pyetur shprehën keqardhje për këtë vendim, 43% e përshëndesin këtë vendim dhe dymbëdhjetë përqind qenë të pavendosur.

Pyetja që iu bë britanikëve ishte: “A mendoni, tani më pas, se pati të drejtë apo e pati gabim Mbretëria e Bashkuar (kur vendosi) të largohet nga BE?”. Die Zeit vëren njëkohësisht se rezultati i sondazhit tregon edhe më tej se britanikët janë edhe më tej të dyzuar në vlerësimin e Brexitit. 89% e atyre që votuan pro qendrimit të Britanisë së Madhe në Bashkimin Evropian i përmbahen vendimit të tyre të atëhershëm, kurse te mbështetësit e Brexitit kjo shifër është 85%.

Tridhjetë e nëntë përqind e të pyeturve janë të mendimit se gjendja ekonomike e Britanisë së Madhe do të keqësohet jashtë Bashkimit Evropian, ndërsa tridhjetë e gjashtë përqind janë të bindur se vendi i tyre do të ketë ndikim më të vogël në botë, përballë nëntëmbëdhjetë përqindëve që mendojnë se ndikimi britanik do të rritet./CityNews





Lajmet e fundit nga