web counter
LEXO PA REKLAMA!

SHKARKO APP

App Store
Google Play

Nesër drejtësia franceze vendos për Ramush Haradinajn

26 Prill 2017, 18:58, Aktualitet CNA

Ditën e nesërme Gjykata franceze e  Colmar-it  pritet të marr një vendim përfundimtar në lidhje me rastin Ramush Haradinaj.

Ish-kryeministri i Kosovës, njëherësh  dhe kryetari i partisë politike, Aleanca për Ardhmërinë e Kosovës, është ndaluar nga policia franceze më 04 janar 2017, në bazë të një urdhër-arresti ndërkombëtar të lëshuar nga Serbia përmes Interpolit. Ai akuzohet nga drejtësia e Serbisë për krime lufte.

Nisur nga këto akuza, Prokuroria Speciale e Serbisë pati paraqitur dhe kërkesën  për ekstradimin e Haradinajt në Serbi. Pas seancave gjyqësore të mbajtura në datën 09 shkurt, 02 mars dhe 06 prill, tani vendimi i ri për Haradinajn do të merret ditën e nesërme, e enjte 27 prill.

Në një bisede për Radion Evropa e Lirë, Haradinaj tha se proceduarat rreth procesit të tij janë shterur dhe dita e enjte pritet të jetë vendimtare në procesin ndaj tij.

“Nga praktikat e deritashme kanë ndodhur shumë befasi në procedura këtu. Vet fakti që jam katër muaj në këtë procedurë, flet për një, ta quaj ashtu, situatë shumë të çuditshme. Megjithatë, mendojmë së kjo është [seanca] e fundit për shkak se vetvetiu gjykata ka paralajmëruar se do të jetë seancë vendimmarrëse”, tha Haradinaj. / CityNews





Lajmet e fundit nga