web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta dështon në tryezën me partitë parlamentare

26 Prill 2017, 18:43, Aktualitet CNA

Kreu i Kuvendit, Ilir Meta, thirri sot në një mbledhje urgjente të gjitha partitë parlamentare. Takimi nisi në orën 19:00 te Kryesia e Kuvendit, ku mësohet se në fokus të diskutimeve janë rekomandimet e OSBE/ODIHR për zgjedhjet.

Burime i thanë CityNews se takimi nuk ka shkuar ashtu siç ishte parashikuar dhe se kjo rezultoi një tryezë e dështuar e Ilir Metës. Në mbledhje kanë munguar një pjesë e madhe e partive parlamentare. CityNews mësoi se në tryezë janë kreu i grupit parlamentar të PS, Gramoz Ruçi, i shoqëruar nga deputeti Taulant Balla, Shpëtim Idrizi i PDIU, shoqëruar nga Mesila Doda, Dhimitër Musliu i PKD (ish-partia e Mark Frrokut), si dhe Luan Rama i LSI.

Por, tryeza e thirrur nga Ilir Meta është ?injoruar? nga një sërë partish parlamentare, duke nisur me PD e Lulzim Bashës. Gjithashtu, burime i thanë CityNews se nuk kanë marrë pjesë në këtë mbledhje as Vangjel Dule i PBDNJ, Agron Duka i PAA, Nard Ndoka i PDK, si dhe Dashamir Shehi i LZHK.

Më shumë se sa tryezë për të zgjidhur çështjet dhe problematikat, partitë e mazhorancës u mblodhën sërish për të pirë një kafe me njëri-tjetrin, ndërkohë që kriza vazhdon./CityNews





Lajmet e fundit nga