web counter
LEXO PA REKLAMA!

SHKARKO APP

App Store
Google Play

E fundit!

x

Duka sqaron braktisjen e takimit me Bashën/Pse shkova te Meta

26 Prill 2017, 17:29, Aktualitet CNA

Kreu i PAA, Agron Duka, sipas mediave ka braktisur takimin me kreun e Partisë Demokratike, Lulzim Basha, për të shkuar në mbledhjen e thirrur nga kreun i Kuvendit, Ilir Meta, me partitë parlamentare.

Disa media raportojnë se Duka po braktiste Bashën dhe po shkonte te Meta, por e vërteta është krejt ndryshe. I pyetur nga CityNews, kreu i PAA, Agron Duka, sqaroi gjithë të vërtetën.

?Jam larguar në momentin e fundit të mbledhjes me kryedemokratin Basha, pasi më parë kisha komunikuar me kreun e Kuvendit, Ilir Meta për mbledhjen me partitë parlamentare. Në momentin e komunikimit tim nuk kishte asnjë vendim në lidhje me aksionin dhe vendimin opozitar. Prandaj për shkak të bisedës së mëparshme, ashtu siç dhe kisha konfirmuar, shkova dhe takova kreun e Kuvendit, por nuk mora pjesë në mbledhjen e partive parlamentare. Thjesht dhe vetëm takova kreun e Kuvendit, duke i thënë se si pjesë e Koalicionit Opozitar dhe vendimit të sapo marrë nuk mund të jem pjesë e kësaj mbledhjeje?, sqaroi Duka për CityNews.

Kreu i PAA hodhi poshtë të gjitha aludimet mediatike se ka braktisur Koalicionin Opozitar, por tha se ai i përket opozitës dhe qëndrimeve të saj në mënyrë të palëkundur./CityNews





Lajmet e fundit nga